"Haserre gaua" deitu du Sortuk Bilbon Gobernuaren delegaritzaren aurrean, Gonzalezen heriotza salatzeko
"Haserre gaua. Espetxe politikari stop! Aski da! Ekarri musukoa, gaua pasatzeko arropa egokia eta esterilla". Hala dio Sortuk zabaldu duen deialdiak. Irailaren 12rako egin dute deialdia, Bilboko Espaniako gobernuaren delegaritzaren aurrean. Ekimena igandeko goizeko 9:00ak arte izango da.
49 dira, Igor Gonzalez kontatuta, euskal preso politikoei Espainiako eta Frantziako Estatuek aplikatzen dieten politikek hildako pertsonak Euskal Herrian. "Aski da! Euskal Herrian bakearen eta askatasunaren alde borrokan ari gara. Mendeku politika honekin amaitu behar da", salatu dute.
Larunbat gauean Gobernu Delegaritzaren aurrean egin dute deialdia Bilbon, "Espainiar Estatuari ozen adierazteko salbuespenezko espetxe politikaren amaitu behar dutela".
Ez dute ekimenaren xehetasun gehiago eman.
Igor González Sola euskal preso politikoa Martuteneko espetxean hil zen joan den ostiralean. Bere ziegan aurkitu zuten hilotz. 47 urte zituen eta martxoan bete zituen zigorraren hiru laurdenak.
2005ean atxilotu zuten dokumentuak faltsutzea eta armak gordetzea leporatuta. Inkomunikazioan torturak jasan zituela salatu zuen.
Bideo hau ere egin dute deialdia zabaltzeko.
Espetxe politikak 49 lagun erail ditu dagoeneko. ASKI DA!
— SORTU #LehenikHerria #PrimeroLaGente (@sortuEH) September 8, 2020
😡😡😡
Larunbatetik igandera#HaserreGaua
Bilboko Gobernu Delegaritza parean.#FreeThemAll#GoraHerria pic.twitter.com/b5TJWGNzhc
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.