Huerta de Peralta-ko langileek greba mugagabea hasi dute kaleratutako 4 langile berriz har ditzaten

  • Azkoiengo (Nafarroa) Huerta de Peraltako langileek greba mugagabea hasi dute enpresak lanera itzuli nahi duten kaleratutako 4 langileak berriz onar ditzan. Goizean, Foruzaingoa lau aldiz oldartu zaie lantokiko sarrera nagusiaren ondoan zeuden grebalariei. Bideoa amaieran.

Ahotsa.info @ahotsainfo
2018ko abenduaren 27a
Argazkia: Diario de Navarra

Azaroaren 12an gertatu zen gisara, Huerta de Peralta enpresan gaur hasi den greba mugagabeak segimendu masiboa izan du baratzeetako langileen artean eta txikixeagoa ontziratze lantegikoen artean; ekoizpena egun arrunt batean baino nabarmen txikiagoa izan da. LABek salatu duenez, sindikatuak ezin izan ditu datu zehatzak lortu Greba Batzordeari ez baitiote goiz osoan enpresan sartzen utzi.

Langile grebalariek goiz osoa eman dute lantokiko ate nagusiaren ondoan, bertara biltzen ziren kamioilariei eta langile eskasei informazioa ematen eta haien jarrera txarresten. "Nahi duen oro sartu edo atera izan da enpresatik. Hala eta guztiz ere, eta inolako probokaziorik egon gabe, Foruzaingok lau aldiz jo du grebalarien kontra eta haren bulkadek eta borrakadek hainbat zauri eta ubeldura sortu dituzte grebalarien artean", salatu du LAB sindikatuak.

Foruzaingoak Guardia Zibilaren eta Azkoiengo Udaltzaingoaren laguntza izan du grebalarien aurkako jardueran. Eta hori guztia enpresako lehen jabearen begiradapean gertatu da, inguruetan paseatzen egon baita. Ahotsa.info-k bere iritzia jaso nahi izan du, baina adierazpenak ez zituela eginen esan die kazetariei.

LAB sindikatuak "irmoki" salatu du Foruzaingoaren jarrera, "batere beharrezkoa ez zen bortizkeria" erabili duelako. Enpresako jabearen jarrera ere salatu du sindikatuak, "negoziazio lasai baten oinarriak paratu beharrean grebalariak probokatzen eta seinalatzen ibili" delako. LABek prest agertu da enpresarekin mahai baten bueltan esertzeko kaleraturiko lau langile horiek berriz hartzeko helburuarekin.

Lanuzteaz gain, greba mugagabearen lehen egun honetan, langileek elkarretaratzea egin dute eguerdian enpresako atearen ondoan, eta 17:00etan ibilgailu karabana bat abiatu dute toki horretatik Azkoien, Martzilla eta Funes herrietatik igarotzeko. Bigarren egunean, ortzegunarekin, langileek Iruñera eramanen dute aldarrikapena, Zaragoza etorbideko 135 zenbakitik UAGNko egoitzaraino manifestazioa eginez 11:00etan hasita, eta gero han elkarretaratzea eginez.

Bi urteko borroka

Huerta de Peralta-ko langileen lan baldintzak oso oso txarrak ziren duela gutxi arte. LAB sindikatuak gogoratzen duenez, 130 langile baino gehiago dituen enpresa honetan gehien-gehienak pertsona migratzaileak dira. Sektore horretako Nafarroako enpresa handienetariko bat da, baina hala ere, 2017 arte ez zuen ordezkari sindikalik izan. Orduan egin ziren lehenbiziko hauteskundeak eta orain enpresa batzordeak LABeko 6 ordezkari ditu, CCOOko 2 eta UGTko 1. Hauteskunde horiek  egin zituztenetik, langileen egoera nabarmen hobetu da zenbait gauzetan: aldi baterako kontratu asko kontratu mugagabe bilakatu zituzten; ordu arte betetzen ez zen hitzarmen bat betetzen hasi ziren; lan orduetan hobekuntzak izan zituzten, bai eta soldatetan ere... Langile eta LAB sindikatuaren hitzetan, horrek guztiak enpresako zuzendaritzaren "mendeku gosea piztu zuen" eta orain diziplinazko araudia erabiltzen ari da "langileen aurkako disuasio, koakzio eta errepresalia tresna gisa". Hala, anitz izan dira enpresak ezarri dituen zehapenak eta egin dituen kaleratzeak.

Enpresaren jarrera "arras bidegabea" iruditzen zaio LAB sindikatuari, eta dinamika horri buelta emate aldera, enpresa batzordearen gehiengoak erabaki zuen urrats bat egitea aitzina eta azaroaren 12rako egun osoko grebara eta hainbat mobilizaziotara deitzea. Greba arrakastatsuaren ostean, enpresak diziplinako araudiaren erabilera arindu eta sindikatuari deitu zion, orduan negoziazio prozesua hasi zen langileen berronarpena lortzearren. Alta, bilkura batzuen ostean ezin izan da akordiorik erdietsi, "enpresak saleroskerietan ibili nahian eta exijentzia maila neurrigabeki igo" egin duelako, LABen hitzatean.

 

Albiste hau Ahotsa.info-k argitaratu du eta CC-by-sa lizentziari esker ekarri dugu ARGIAra.

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Langile borroka  |  Iru˝ea

Langile borroka kanaletik interesatuko zaizu...
2019-03-24 | Juan Mari Arregi
Pultsu soziala mantendu behar da

Eragile sozialen eta langile mugimenduaren historia, hala nola herriena eta jendarte osoarena, eztabaidaezina da, hemen eta mundu osoan: presioaren bidez soilik lortu dira eskubide sozial eta politikoak. Hau da, greba, elkarretaratze, manifestazio eta okupazioen bidez lortu dira, baita zenbaitetan borroka armatua tartean zela ere. Kasu horietan, pultsu politiko eta soziala mantendu da sistema kapitalista, patriarkal eta matxistaren aurrean. Honek etekinak baizik ez ditu nahi eta aldian aldiko... [+]


Boycotty boikota egin ziotenekoa

1873an Erneko kondeak Charles Boycott ingelesa Irlandako Achill uharteko lurren administratzaile izendatu zuen. Berehala haren menpeko nekazariek Boycotten tratu jasanezina salatu zuten eta errenta ordaintzeari utzi zioten.


Ubik-eko lan-gatazkaz Markel Olanok adierazitakoa: fact check txiki bat

Bi minutu eta hemezortzi segundoko iraupena dauka Olanok Tabakalerako Ubik sorkuntza liburutegiko lan gatazkari buruz emandako erantzunak. Azter ditzagun esan dituen pare bat gauza, errealitatearekin zer nolako harremana duten ikusteko.


Martxoak 8, greba feminista
Mobilizazio anitzak, aldarrikapen politiko zehatzak

2018ko Martxoak 8ak aurreikuspenak hautsi zituen. Aurtengo greba feministan ere, txiki geratu dira egindako kalkuluak. Begi-bistakoa izan da. Hiriburuetan zer gertatuko geunden, eta horietako indar erakustaldiek iazkoa gainditu badute, aurtengo sorpresa auzoetakoa eta herrietakoa izan da. Txokorik txoko antolatu dira eta iaz mugimendurik egon ez zen herrietara ere heldu da olatua. Ez da kasualitatea izan, mugimendu feministak mobilizazio deszentralizatua akuilatu du eta emaitza ikusi da.


2019-03-12 | ARGIA
Bizkaia eta Gipuzkoako DIA supermerkatuetako langileak greba mugagabearen bigarren eguna

Asteartean greba mugagabearen bigarren eguna izan da Gipuzkoa eta Bizkaiko DIAko langileentzat. Pikete informatiboak ibili dira enpresa presionatuz, EEEaren negoziazioa hona ekarri dadin eta 71 lanpostu suntsi ez daitezen.


2019-03-12 | ARGIA
Navarplumako langileek greba irabazi eta beren lehen enpresa-hitzarmena lortu dute

41 egunez greban egon ondoren, %10etik goitiko soldata-igoerak, 24 orduko lanaldi-murrizketa eta lan-erreforma indargabetzea lortu dituzte. Langileen antolamendua eta kemena izan dira garaipenaren gakoa, ELAk jakinarazi duenez.


2019-03-12 | Xabier Letona
Onintza Irureta
"2006ko 600 eurotik 2016ko 1.200 eurora pasatu ziren erresidentzietako emakumeak"

Onintza Iruretak astearte arratsaldean eskaini zuen "Berdea da more berria" liburua Iruñeko Katakrak liburudendan 16 pertsonaren aurrean. Bizkaiko erresidentzietan emakumeek egindako borroka gogorraren testigantza biltzen du liburuak.


"Ezker abertzaleko lider batzuek xerpa gisa ikusten dituzte sindikatuak"

Adolfo Muñoz badoa. Apirilaren 5ean Mitxel Lakuntzari emango dio lekukoa. Arantza geratuko zaio LABekin aliantza estrategiko bat egin ez delako; "drama bat da, baina ezin da". Aurrerantzean bere burua zaintzeari ekingo diola esan du.


2019-03-11 | Oneyda Saenz
Etxeko langileak Donostiako manifestazioaren buruan izan gara

2019ko M8 hasiera bikaina izan da Gipuzkoako etxeko langileen eskubideen borrokan. Zalantzarik gabe, aurreikusitakoa gainditu dugu, kontuan izanda zein etxeko langile gutxik parte har zezakeen greban, lanak ezartzen dizkien mugengatik.


Eguneraketa berriak daude