2022ko ekainaren 28a
Roberto David Castillo Mejía jo du auzitegiak Berta Cáceres ekintzaile lencarraren hilketaren arduradunetakotzat. Castillo lehendakari exekutiboa zen Desa enpresan eta berau Lenca herriarentzat sakratua den Gualcarque ibaian presak eraikitzen ari zen: eraikuntza hauen aurka ari zen borrokan Cáceres, 45 urterekin hil zutenean, 2016an.
El Salto hedabideak jaso duenez, Hondurasko Jatorrizko Herrien Herri Mugimenduen Kontseiluak (COPINH gazteleraz) pozik hartu du fiskaltzaren idatzia: "Hau Hondurasko herriaren garaipena da. Honek adierazten du egitura kriminalek ez dutela lortu justizia sistema usteltzea". Cáceresen alaba Laura Zuñigak sare sozialetan mezu hau zabaldu du: "Uste zuten inpunitatea betiko zela, eta oker zeuden, herriek badakite justizia egiten".
Cáceresen beste alabetako bat den Berta Zuñiga COPINHeko koordinatzaile da eta erakunde honek eskatu du Atala Zablah familiako lau kidek duten ardura argitu dadila. Izan ere, familia hori Hondurasko aberatsenetako bat da eta hauek dira Desa enpresaren jabeak. Familia horrek hautatu zuen David Castillo lehendakari exekutibo moduan, eta kargu hori hartu baino lehen militarra zen, Defentsa Idazkaritzako Inteligentzia Zuzendaritzan lan egindakoa, AEBetako akademia militarrean hezitakoa.
Hondurasko Fiskaltza Nagusiak frogatutzat eman du Castillok agindu zuela Cáceres hiltzea, "Lenca herriarentzat arbasoekin lotua dagoen Gualcarque ibaian Desak egin nahi zituen operazioetan inolako trabarik ez izateko planaren parte izan zen erailketa". Kasua oraindik irekita dago, autore intelektualak bilatzeko asmoz.
Gualcarque ibaiko obrek ustelkeriarekin duten lotura azaltzen du Demokraziarako Ikerketa Zentroak osatutako lan honek.
Berta Cáceres ekintzaile ekologista hil zutenetik sei urte bete direnean, Roberto David Castillo Mejía, Desa enpresa hidroelektrikako lehendakari exekutibo zena, 22 urteko espetxealdira kondenatu dute Hondurasen. Enpresa hori presak eraikitzen ari zen Lenca... [+]
Jackeline Romero Epiayu giza eskubideen defendatzaile wayúu-a da. Kolonbiarra da sortzez, La Guajira departamentukoa, Wayúu herri indigenaren gehiengoa bezala. Munduko aire-zabaleko ikatz meategi handienetakoa dago bertan kokatua, eta beronen eskutik heldu dira... [+]
Guatemalatik Euskal Herrirako bidaia egin du Edgar de León abokatu maiak, Mugarik Gabe Gobernuz Kanpoko Erakundearen “Bizitza jokoan” kanpainaren harira. Sorterriko errealitatearen berri emateko hitzorduz jositako agendan tokia egin digu, eta lurraren eta... [+]
2022ko apirilean Txinan egitekoa den COP 15 goi bileran hartu behar lukete ondoko neurria: 2030 urterako planetaren %30 gune babestu bezala sailkatzea. Munduaren Iparreko agintariek begi onez ikusten dute neurria, baita ingurumena kaltetzen ari diren multinazional boteretsuek... [+]
1900 eta 1970 urteen artean beren familiengandik banatu zituzten haur indigenei laguntza ekonomikoa emango die Australiako Gobernuak. Hiru hamarkadetan zehar ezarritako “asimilazio politiken” parte izan zen umeak familia zuriekin bizitzera eramatea. Biktima bakoitzak... [+]
