Uda eta opor garaia heltzear da, eta horrekin batera hondartzetara osterak. Joan den asteburuan estreinatu zuten hondartzen denboraldia AEBtan, eta uda garaian sartuta jada, ardura piztu du herrialdeko hondartzen egoerak; gehienak pribatuak dira, eta publikoak diren horietan egon daitezkeen jende pilaketek kezkatu dituzte.
Kirola egitera irtetzea gomendatu dute AEBtako osasun agintariek, konfinamendu garaian kirola egitea eta haizea hartzea oso garrantzitsua dela argudiatuz. Baina, 100 milioi estatubatuar inguruk –pertsona arrazializatuek edo komunitate pobretuetakoek– ez du aukerarik espazio publikoa erabiltzeko, pribatizatuta dagoelako.
AEBtan azpimarragarria da urteen joanean espazio publikoek jasan duten pribatizazioa. 1970eko hamarkadan hondartzen %95a pribatizatuta zegoen. Gaur egun datu hori baxuagoa bada ere, pribatizatutako eremuak publikoak baino ugariagoak dira, eta horrek kezkak sortu ditu hondartza publikoetan gerta daitezkeen pilaketengatik.
Pribatizazioak soilik ez, hondartza publikoak direnetan ere mugak jarri dituzte: autoak aparkatzeko ordaindu beharra, edo sarrera bakarrik bertakoei bermatzea. Hori horrela, are gehiago murrizten da baldintza horiek betetzen ez dituztenek hondartzetara duten sarrera.
Klasismoa koronabirus garaian
Meg Walker New Yorkeko Espazio Publikoetarako Proiektuko arkitektoak adierazi du baztertze hori sistematikoa dela, espazio publiko orokorra hartzen duela beregain. New Yorkeko auzo periferikoetan, biztanleria pobretuena bizi denetan, eremu publikoaren pribatizazioa eman dela; eta ondorioz, biztanleria zaurgarrienak, askotan osasun arazoak dituenak, ez duela espazio publikoa erabiltzeko aukerarik. Koronabirus kasu gehien dauden guneak dira horiek.
Hondartzetan ere klase banaketa ikusten dela adierazi du. Hondartza pribatuak klase altuko pertsona zuriek okupatzen dituzten bitartean, hondartza publikoetan jatorri anitzetako jendea biltzen da. Hori ere kezkagarria da, izan ere, polizia presentziak gora egin du azken aldian hondartzetan, eta beltzen aurkako polizia erasoak hazi egin direla adierazi du Beltzen Garapenerako Elkarte Nazionalak.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.