Hondarribiako alkateak Zaldunbordari baietza eman dio

  • Zaldunborda deitu afera atera da berriz ere plazara, Hondarribian. Bidasoako Hitza-k aditzera eman duenez, Eusko Legebiltzarrak merkatari txikien babeserako legea onartu bezperan Hondarribiako alkateak Zaldunborda proiektuari argi berdea eman dio. Oposizioak ez dezala egitasmoa babestu eskatu dio.

     

Artikulu hau CC BY-NC-ND 4.0 lizentziari esker ekarri dugu.

2019ko uztailaren 05an - 16:04
Zaldunborda Gainean garbiketa lanetan aritu izan dira.

Iragan ostegunean EAEko Legebiltzarrak aho batez onartu zuen merkatari txikiak babestea helburu duen Merkataritza Jardueraren Legearen erreforma. Lehenago, EH Bilduk, Elkarrekin Podemosek eta PPk “Merkataritza gune handi berririk ezingo da ireki herri eta hiri handien inguruetan Euskal Autonomia Erkidegoan. 30.000 biztanletik gorako hirien periferian 2.500 metro koadrotik beherakoak izan beharko dira, eta herri txikiagoetan are txikiagoak” zioen lege proposamena aurkeztu zuten. EAJk eta PSE-EEk ere alde bozkatu zuten.

Hondarribiako EAJk Zaldunbordan eraiki nahi duen outlet herrixka sortu ezin da eraiki legearen arabera. Alabaina, Hondarribiako alkate Txomin Sagarzazuk aurre hartu dio Legebiltzarrari, eta, oposizioarekin kontsultatu gabe –eta alkate dekretuz– Zaldunbordarako Plan Partzialaren hasierako tramitazioa gauzatu ahal izatea onartu zuen joan den asteazkenean, Gasteizko Legebiltzarraren saioaren bezperan.

Oposizioaren erantzuna berehalakoa izan da, oso haserre. Udaleko beste hiru udal taldeek, Abotsanitzek, PSE-EEk eta EH Bilduk atzera egiteko esaktu diote alkateari. Txomin Sagarzazuk honela esan zuen kargu hartze egunean; “Hondarribiar guztien alkatea izatea da nire erronka, hondarribiarrekin eta hondarribiarrentzat. Eta erronka horri, erantzukizunez ekingo diot: hitz eman dut arretaz, gardentasunez, dedikazioz eta ilusio osoz beteko dudala. Eta elkarrizketa erabiliko dut tresna nagusi modura”.

Agintaldia hasi orduko bukatu zaio oposizioari alkatearekiko konfiantza.

 


Kanal honetatik interesatuko zaizu: Merkataritza
Inditexek hegazkinez dakartza moda azkarra eta... krisi ekologikoa

Erabili eta bota. Abiadura handiko modak saltokiak eta etxeetako postontziak bete ditu aspaldion, fast fashion ere esaten zaio. Baina azkarretik baino inozotik gehiago du: lan prekarioarekin hondakin mordoa sortzeaz gain, arropa garraiatzen fuel-olio kopuru izugarriak erretzen... [+]


Bi monje, bi zeta-har eta bi inperio

Txina, duela 4.700 urte. Si-Ling-Chi printzesari zeta-har bat erori omen zitzaion te berotan eta hala deskubritu omen zuen zeta egiteko prozesua. Konfuziok jasotako kondaira honek adierazten du Txinan Antzinaroan hasi zirela zeta ekoizten eta mendetan eutsiko ziotela... [+]


Donostiako San Bartolomeko merkatalgunearen aurkako errekurtsoa onartu du Auzitegiak

200 plazako aparkaleku bat eta 8.040 metro koadroko merkataritza gunea eraikitzeko Hiri Antolamenduko Plan Berezia onartu zuen Donostiako Udalak urtarrilean. Hainbat elkartek salatu zuten proiektuak eragin negatiboa izango duela, eta "erabat legez kanpokoa" dela.


Ehungintzako langileari eskaintza berezirik ez urtarrilak: lanegun partziala eta soldata izoztuta

Gipuzkoako ehungintzako langileek greban jarraituko dute larunbata arte gutxienez, sektoreko hitzarmena negoziatzeko patronalak erakutsitako jarrera makurra dela-eta. Nafarroan, La Morea merkatal zentroko H&M saltokiko langileak ere greba mugagabean dira abenduaren 9az... [+]


Eguneraketa berriak daude