Hollandek agur esan dio presidente berriz izateari
François Hollandek uko egin dio bigarren aldiz Frantziako presidente izateko aukerari eta ez da alderdi sozialistako primarioetara aurkeztuko. Lehen aldia da Frantziako presidente batek bere burua bigarrenez hautatua izateko aurkeztuko ez duena. Krisian dauden sozialistek urtarrilean erabakiko dute nor izango den eskuinaren gorakadari aurre egin beharko dion hautagaia.
“Badakit babes nahiko izango ez lukeen bide bat hastearen arriskua zein den, beraz, nire aginte presidentziala berritzeko hautagai ez izatea erabaki dut”, azaldu du Hollandek. Gizartearen %7ko babesa besterik ez du eta bera da V. Errepublikan babes gutxien izan duen presidentea.
Azken bost urteetan eginiko akatsak bere gain hartu ditu eta “umiltasunez jokatzen” irakatsi diotela adierazi du. Horien artean terrorismo delituez akusaturik daudenei nazionalitatea kentzeko aukera mahai gainean jartzea aipatu du.
Gobernutik harturiko erabakiek alderdi sozialistan eragin negatiboa izan dutela onartu du eta bere mandatua amaitu bitartean egin beharrekoa “herrialdea zuzentzea” duela. Eskuin muturraren gorakadaren aurrean mundura irekitzeko eskatu die frantziarrei, protekzionismoa albo batera utzita: “Jokoan dagoena ez da pertsona bat, herrialde oso baten etorkizuna baizik”.
Sozialistek Fronte Nazionaleko Marine Le Pen eta Les Republicans alderdiko François Fillon hautagaiei aurre egiteko norbait aurkitu beharra dute.Momentu honetan, inkesten arabera, sozialistak bigarren itzulitik kanpo geratu lirateke. Ezkerreko alderdien batasunak bakarrik egingo lioke aurre eskuinari.
Primarioak urtarrilean
Alderdi sozialista izango da bere hautagai presidentziala aukeratzen azkena. Urtarrilaren 22an eta 29an egingo dituzten primarioetan hautatuko dute. Kanpaina dagoeneko zabalik dago ostegunetik eta hilaren 17an amaituko da hautagaien jakinarazpen ofizialarekin.
Oraingoz zazpi dira primarioetan aurkezteko prest dauden hautagaiak. Ezagunenak Hollanderen ministro izan ziren Benoit Hamond eta Arnaud Monteburg dira. Azken hau da ofizialki izena ematen lehena. Alderdi sozialistako sektore aurrerakoienaren hautagaia da Monteburg.
Hollanderen agurrak egungo lehen ministro Manuel Vallsi hautagaitzarako ateak ireki dizkio. Vallsek duela egun batzuk hautagai izateko “prest” dagoela onartu zuen.
Ezkerreko gainontzeko alderdiek beraien hautagaiak aukeratuak dituzte jada: PRG Ezkerreko Alderdi Erradikalak Sylvia Pinel, EELV alderdi ekologistak Yannick Jadot, En Marche! alderdi sortu berriak Emmanuel Macron ekonomia ministro ohia eta komunistek Jean-Luc Mélenchon alderdi sozialistako kide ohia.
Georges Ibrahim Abdallah, Frantzian 40 urteko espetxealdia igaro ondoren kaleratuko dute. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz... [+]
153 orrialdeko txosten bat kaleratu du parlamentuak. AEBak ez ditu apenas zuzenean aipatu, baina horretarako "ikuspegi atlantista" terminoa erabili du: "Europak darabilen ikuspegi horrek gerra-komertziala ekarri du Europaren eta Txinaren artean, ageriko kalte eta... [+]
Konfiantzaren erronka izenburua jarri diote Kanakyko indar independentisten eta unionisten arteko akordioari. Ozeano Bareko uhartediak herrialde europarraren parte izaten jarraituko luke, baina estatu izaera lor dezake kaledoniarrek hala bozkatzen badute. Datorren urte hasieran... [+]
Dozenaka lagunek agerraldia egin dute astelehen arratsaldean Baionan, Pirinio Atlantikoetako Departamenduaren egoitzaren aurrean. Frantziak EEPn 100.000 euro gehiago inbertituko dituela iragarrita, euskararen etorkizuna bermatzeko hizkuntza politikak "ausardia eta... [+]
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]
Canfranc (Huesca, Espainia), 1940ko ekaina. Charles De Gaulle jenerala buru zuen Londresko Frantzia Askearen gobernuak erabaki baten berri eman zion Albert Le Lay Canfranceko nazioarteko tren geltokiko Frantziako aduanako arduradunari: bere postuan geratu behar zuen. Ez zirudien... [+]
Debekua uztailak 1ean sartuko da indarrean hainbat espazio publikoetan, hondartzak edo parkeak kasu. Araua errespetatzen ez duten herritarrei 135 euroko isuna jarriko diete.
Eutanasia edo suizidio lagundua gisako hitzak nahita saihestuta, “hiltzeko laguntza aktiboa” baimentzen duen legea onartu du Frantziako Asanblea Nazionalak. Senatuaren oniritzia jasoz gero, 2027an sartuko litzateke indarrean legea, kasurik azkarrenean.
Saint-Cloud (Frantzia), 1810eko apirilaren 1a. Napoleon enperadorea Maria Luisa Austriakoarekin ezkondu zen, eta eztei-tarta ikusgarria Marie-Antoine Carême (1784-1833) sukaldari ospetsuak egin zuen.
Baina Carême gorteko luxuetatik urrun jaio zen, Pariseko... [+]
Astearte eguerdian egin du ohartarazpena Nazio Batuen Erakundeak. Astelehenean laguntza humanitarioa daramaten bost kamioi sartuko direla iragarri du Israelek, hamaika asteko blokeo erabatekoaren ostean. "Tanta bat da ozeanoan", adierazi du Tom Fletcher NBEko Giza... [+]
Herri Urrats jaialdiko hasiera ekitaldian Seaskako zuzendaritzako kide Erik Etxartek salatu zuen Parisek oraindik ez ziela irakasle postu gehigarrien proposamenik egin hurrengo ikasturtera begira. Asteburuan heldu zaie Frantziako Hezkuntza Ministerioaren erantzuna, eta... [+]