Iruñeko La Moreako H&Mko langileek sei hilabete bete dituzte greban, prekarietatearen aurka
Enpresak negoziazioa blokeatzen jarraitzen du, eta 20 milioi euro dibidenduetan banatu ditu langile gehienek hilean 500 euro kobratzen dituzten bitartean, ELAk jakitera eman duenez.
La Morea merkataritza guneko H&M dendako 18 langileek bihar 6 hilabete beteko dituzte greba mugagabean, lan baldintzak hobetzeko borrokan. 2009tik soldata izoztuta dute eta erosahalmenaren %25 galdu dute. Horri gehitu behar zaio langile gehienek lanaldi partziala dutela, eta, beraz, 500 euroko soldata dutela.
Aldarrikapen nagusiak, erosahalmena berreskuratzeko soldata igoerez gain, igande eta jaiegunetan irekitzearen aurkako neurriak, partzialtasuna murrizteko benetan lan egiten diren lanaldiak egonkortzea eta online salmentak lanposturik ez suntsitzea dira.
Enpresak negoziazioa blokeatzen jarraitzen duela salatu du ELAk, eta hilabete hauetan aldarrikapenetatik "oso urrun" geratzen den eskaintza bat baino ez duela egin. ELAren hitzetan, eskaintza horrek "H&M-ko prekarietatea betikotzea ekarriko luke".
"Denbora honen guztiaren ondoren eta denda itxita eduki arren, enpresak ez du benetako negoziaziorako eta, beraz, gatazka honi amaiera emango dion borondaterik. Bien bitartean, H&M-k 20 milioi euro banatu ditu dibidenduetan", dio sindikatuak.
Horregatik, langileek grebarekin eta mobilizazioekin jarraituko dutela ziurtatu ELAk, lan baldintzak hobetuko dituen enpresa hitzarmen bat negoziatzera behartzeko.
Urriaren 17tik 19ra eta abenduaren 11tik 15era egingo dute greba, Kristau Eskoletan eta IZEAko zentroetan. Sindikatuek salatu dute negoziazioa blokeatuta dagoela.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Shakirak Gerard Piquéri aurpegira botatako abestiaren bertsioa egin zuen Silvia Guillének H&Mko emakume langile prekarizatuen egoera salatzeko eta bideoklipak ehunka milaka ikustaldi izan zituen munduko bazter guztietan. Ileorde ilehoriaren azpian zegoena... [+]
ELA, LAB, Steilas eta CCOO sindikatuek egin dute greba deialdia. Salatu dute unibertsitate lege berriaren irakurketa "interesatua" egin duela errektoretza taldeak, eta ordezko irakasleen kontratu gehienak partzialak izango direla horren ondorioz. Azpimarratu dute EHUko... [+]