Hizkuntz eskubideen urraketei buruzko mozioa bozkatuko dute Donostiako Udalbatzarrean
Donostiako Udaleko EH Bilduko zinegotzi Amaia Almirall Lopez de Luzuriagak mozio bat aurkeztu du eta ostiralean bozkatuko dute alderdiek. Joan den maiatzean Ertzaintzako bi agentek herritar baten hizkuntz eskubideak urratu izana eta ARGIAren aurkako salaketa aipatzen ditu eta "bere herritarrak babesteko eta Donostian euskaraz egitea errealitate bihurtzea helburu" izateko eskatuko dio Donostiako Udalari Udalbatzak.
aurre egingo dieten hedabide independenteak
ARGIAk mozioa eskuratu du eta jarraian irakurgai osorik:
Donostiako Udalak indar eta esfortzu handi eta ugari egiten ditu gazte donostiarrek euskaraz egin dezaten hala nola euskararen erabilera bere egunerokoan eta zirkunstantzia guztietan ohikoa izan dadin.
Tamalez praktikan arazo ugari suertatzen dira, inoiz gatazka mailara ere ailegatzen direnak. Horregatik, beste arrazoi ere direla medio, Donostiako Euskararen Plan Orokorra 2015-2019 delakoak honako helburu hau jarri zion Udalari: “donostiarren hizkuntza eskubideetan eragina izan dezakeen edozein egoeraren aurrean, Udala dagokion erakundearekin harremanetan jarri eta egoera horri aurre egiten saiatuko da nahiz eta Udalaren eskumenekoa ez izan”.
Arazook inoiz gatazka mailara ere ailegatzen dira eta horixe izan da Donostiako gazte batzuekin iazko maiatzean gertaturikoa, Gipuzkoa plazan Ertzaintzak beraien identifikazio unean egin zuenean beraiek euskaraz egiterakoan tira birak sortu baitziren. Udal Gobernuak gaiaren jarraipena egin du, besteak beste talde honetatik eskatuta ere, eta informazio osagarria eskuratu du, eskubidearen urraketa egon zela Ertzaintzak berak errekonozitu zuelako Behatokik duen twitter kontuaren bidez, eta Segurtasun Sailak barkamen publikoa egiterakoan.
Halaber horren guztiaren lekuko publikoa izan da sare digitalen bidez zabaldu zen bideoa Argia aldizkariaren kazetaritzari esker. Tamalez euskal kazetaritzaren eguneroko egiteko zailari egun hedabideek jasaten dituzten muga estuak gehitu behar izan zaizkio arestian azaldutako gertakizunen berri emateagatik.
Euskarak bizi duen egoera zailari oztopo berriak gehitzea bide ez denez kasuok epaitegian ebatzi baino hobe litzateke modu egokiagoan konpontzea eta hor Udalaren bitartekaritza lana garrantzitsua izan daitekeelakoan gaude, are eta gehiago eskubide urraketaren onartze bera abiapuntua hartuz gero, Udal Gobernuak azpimarratu duen moduan, eta Udalak bere Plan Orokorrean jaso zituen helburuak kontuan hartuta.
Horiek horrela, honako hau da behean sinatzen duen zinegotziak aurkeztutako KONTROL MOZIOA:
- Donostiako Udalbatzak hertsiki eskatzen dio Udal Gobernuari, dagokion Euskararen Plan Orokorra aginduei jarraikiz, hizkuntza eskubideen urraketa suertatzen denean sor daitezkeen gatazkak beste erakundeen eta donostiarren artean egoki konpontze aldera, eskura dituen baliabideak bitartekaritza lanetara bideratzeko, bere herritarrak babesteko eta Donostian euskaraz egitea errealitate bihurtzeko helburu.
Donostian, 2019ko martxoaren 15ean
Amaia Almirall Lopez de Luzuriaga
EH BILDU udal taldeko zinegotzia
Hemen dokumentua.
Aurtengo ikasturtean A2 mailara arteko ikastaroetako dirua itzuliko dute EAEn, baita C1ekoak 16-18 urteko ikasleei ere. Nafarroan A1 mailan matrikularen prezioa itzuliko diete.
Ez diote ezeri muzin egin nahi opor giroan: natura, aisialdia eta gogoeta izango dira ardatz Euskaltzale Independentisten Akanpadan, abuztuaren 25etik 31ra.
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
Hizkuntz Eskubideen Behatokiak argudiatu du kontraesanean daudela jardunaldien helburua, hau da, gaztelania bultzatzea, eta euskararen normalizazioa eta biziberritzea. Observatorio Global del Español erakunde antolatzaileari gutunez eman dio erabakiaren berri, eta 2024an... [+]
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]