ARGIA.eus

2022ko ekainaren 27a

Hiru urteko espetxe zigorra ezarri diote Miren Larrioni, koalizioko kide baten identitatea ordezteagatik

  • Hiru urteko espetxe zigorra eta 2.835 euroko isuna ezarri dizkio epaileak EH Bilduko eledun ohi Miren Larrioni. Ikusteke dago ebazpena bere horretan aplikatuko den, ala espetxe zigorra gizartearentzako lanengatik trukatzeko aukera aztertuko den.

Miren Larrion, artxiboko argazki batean. (EH Bildu)
ARGIA @argia
2022ko maiatzaren 24a

Asteartean egin du publiko ebazpena Gasteizko Zigor-arloko 2. zenbakiko epaitegiak, eta hiru urteko espetxe zigorra ezarri dio Miren Larrioni. Horrez gain, 2.835 euroko isuna ere ordaindu beharko ditu. Hiru delitu leporatu dizkiote EH Bilduren Gasteizko Udaleko eledun ohiari: egoera zibila usurpatzea –horretarako mozorroa erabili izanaren astungarriarekin–, dokumentu-faltsutzea eta ebasketa. Ikusteke dago ebazpena bere horretan aplikatuko den edo espetxe zigorra gizartearentzako lanekin trukatuko den, aukera hori mahai gaineratu baitzen bi aldeen artean.

Epaileak "aldakuntza psikikoa" aringarria kontutan hartu du epaia erabakitzerako orduan, frogatutzat joz gertakarien unean "estres eta antsietate nahasmendua" jasaten ari zela Larrion, eta horrek eragina zuela bere "borondate eta adimen gaitasunetan".

Zehazki, 2020ko abendua eta 2021eko otsaila bitartean jazo ziren gertakariak. Larrionek EH Bilduko kide bati diru-zorroa lapurtu zion haren dokumentazioa lortzeko, eta besteren artean bankuan kontu bat eta telefono linea bat kontratatu zituen haren izenean, horretarako bere itxura fisikoa ere moldatuz. 2021eko otsailaren 22an atxilotu zuten gertakari horiengatik, eta Larrionek bere kargua utzi zuen, egindako "akatsa" onartuz. "Une hartan, ez nintzen jabetzen kide baten izenean bankuan kontu bat irekitzea, akats bat ezezik, laguntza eskatzeko oihu bat ere bazela. Zortea izan nuen, eta oihu hura entzuna izan zen", adierazi zuen sare sozialen bidez.

Kanal hauetan artxibatua: EH Bildu  |  Gasteiz

EH Bildu kanaletik interesatuko zaizu...
Pablo González kazetariaren eskubideak urratzeari uzteko eskatu dio Poloniari Eusko Legebiltzarrak

EAJ, EH Bildu, PSE eta Elkarrekin Podemos-IUren adierazpenarekin, Gasteizko Legebiltzarrak kezka adierazi du Pablo Gonzálezen egoerarekin eta azpimarratu du ez datorrela bat bere behin-behineko espetxealdia beste hiru hilabetez luzatzeko erabakiarekin. Poloniako Estatuari... [+]


2022-05-26 | ARGIA
Eraso sexisten aurkako protokoloan ez du aldaketarik egingo Enrique Mayak

Navarra Sumak eraso sexisten aurkako protokoloa aldatu zuela eta sanferminetako erasoen aurkako kanpaina aldebakarrez erabaki zuela salatu zuten iragan astean Iruñeko Indarkeria Sexistaren Aurkako Emakumeen Plataformak eta Iruñeko Peñen Federazioko Talde... [+]


2022-05-24 | ARGIA
Monarkiaren kontrako adierazpenak despenalizatzeko eskatu dute EH Bilduk eta ERCk

Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.


2022-04-28 | ARGIA
EH Bilduk Espainiako Gobernuaren dekretuaren alde bozkatu du Kongresuan

ERCk eta CUPek ezezko botoa eman dute, eta EAJk aldekoa. Ukrainako Gerrak eragindako kalte ekonomikoei aurre egiteko gobernuaren ekonomia plana aurrera atera da EH Bilduren botoei esker. Espainiako eta Kataluniako politika astindu duen Pegasus espioitza kasuaren testuinguruan... [+]


2022-04-05 | ARGIA
Espainiako Gobernuak Sahararekiko jarrera aldatu dezan proposamena bozkatuko dute gaur

Apirilaren 5 arratsaldean EH Bildu, ERC eta Unidas Podemos alderdiek aurkeztutako legez besteko proposamena debatituko da Espainiako Kongresuan. Mertxe Aizpuruak azaldu duenez, "bilatzen dena Espainiako Kongresua saharar herriaren ondoan posizionatzea da, eta Mendebaldeko... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude