20 urteko Barış Çakan kurdua hil dute astelehenean Ankaran hiru turkiarrek bihotzean emandako labankadaz. Bere familiak salatu du Etimesgut barrutian zuen etxetik atera zela ondoko parkebatean lagunekin geratua zelako eta hiru gizonek eraso egin ziotela. Momentuan hil zen. Ez dago garbi zergatik hil zuten.
Etxetik atera aurretik, Barış Çakan etxeko balkoian musika kurdua entzuten aritu zen, ANF agentziak jakinarazi duenez. Horrez gain, otoitzean ari zela, hil zuten hiru pertsonek autoan musika oso altu zutela eta, bolumena jaisteko eskatu ziela ere irakur daiteke The Guardianen, eta balitekeela hori izatea hilketarako arrazoia.
Turkiako Poliziak atxilotu ditu hiru susmagarriak. Hildako gaztearen lehengusu Doğan Çakanek publikoki adierazi du aurretik ere eraso egina ziotela musika kurdua entzuteagatik.
Çakanen hilketak haserre handia eragin du ekintzaile eta politikari kurduen artean, eta gorroto krimen gisa jo dute. HDP alderdiak, adibidez, salatu du "Baris hil dutenen mentalitatea elikatzen dela kurduerazko seinaleak kenduz eta kurduerazko hezkuntza eskaintzen duten eskolak itxiz".
HDPren oharrak erreferentzia egiten dio maiatzaren 30ean, Siirt izeneko herrian kurdueraz zeuden seinaleak erretiratu zituztela Turkiako gobernuaren aginduz, eta horrez gain, Celadet Bedir Khan linguista eta idazleak fundatutako liburutegia eraitsi zutela.
Asteartean bere omenez hileta eta protesta egin dute. Istanbulen, arrazakeriaren aurka egiteaz gain, AEBetan poliziak hildako George Floyd eta Ankaran hildako Barış Çakan omentzeko manifestazioari hasieratik eraso egin dion bertan bildutako jendeari, azpiko bideo honetan ikus daitekeenez. 20 pertsona atxilotu dituzte.
#Turkey#Antifa protest march against police brutality, racism and in honor of #GeorgeFloyd and #BarışÇakan in the Kadıköy district of #Istanbul, was violently attacked by the police forces.
At least 20 protesters have been arrested. pic.twitter.com/dZ0hTc9eS9
— th1an1 (@th1an1) June 2, 2020
Konparazio ugari
Ez dira gutxi izan sarean George Floyd estatubatuarrarekin konparatu dutenak BarisÇakan gazte kurdua. Horrez gain, aste berean poliziak Jerusalemen Iyad Halak gazte palestinarra hil du eta hiruak biltzen dituzten txio ugari aurki daitezke sarean.
Horrez gain, Turkiako lehen ministro Recep Tayyip Erdoganek adierazi du AEBetako gobernua Floyden hilketa kudeatzen ari den modua faxista eta arrazista dela. Txiolari kurduek berehala erantzun zioten #BeingKurdInTurkey traolarekin, beren aurkako eskubide urraketak zerrendatuz.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]