ARGIA.eus

2021eko irailaren 28a

Hiru gizon atxilotuak Algortan, Donostian eta Tafallan, sexu erasoak eta indarkeria matxista leporatuta

  • Algortako eta Donostiako atxilotuei sexu erasoak leporatu dizkio Ertzaintzak. Tafallan gizonak bikotekideari eraso egin dio, eta ospitalera eraman dute emakumea.

ARGIA @argia
2019ko abuztuaren 13a
Sexu eraso baten aurkako aurreko kontzentrazioa bat, Algortan. Argazkia: ecuadoretxea.org.

Donostian sexu erasoa ostiral gaueko 1:30ak aldera gertatu zen. Gizonak ukituak egin zizkion emakume bati kalean. Handik ordu batzuetara atxilotu zuen Ertzaintzak. Larunbat arratsaldean eraman zuten epaitegira, eta epaileak behin behinean aske uztea erabaki zuen.

Algortako erasoa ostiraletik larunbaterako goizaldean gertatu zen, 5:30ak inguruan. Gizon batek emakume adingabe bati sexu erasoa egin zion etxe batean. Emakumea ospitalean artatu zuten. Astelehen goizaldean deklaratu zuen epaile aurrean gizonak, eta behin behinean aske geratu da. Getxoko Udalak kontzentraziora deitu du gaur arratsalderako.

Tafallan Foruzaingoak gizon bat atxilotu du astelehen arratsaldean. Indarkeria matxista leporatu dio gizonari, ustez bere bikotekideari egindako erasoarengatik. Erasoaren ondorioz, emakumea ospitalera eraman zuten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sexu Erasoak  |  Donostia  |  Tafalla

Sexu Erasoak kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude