Espetxeratu egin dituzte Bilbon emakume bat bahitzeaz eta erasotzeaz akusatutako hiru gizonetatik bi
Sexu erasoa eta bahiketa leporatzen diete espetxeratuei. Karguekin geratu da aske hirugarrena. Astearte arratsalderako mobilizazioa deitu du Bilboko mugimendu feministak.
Igandean lau gizon atxilotu zituen Ertzaintzak, emakume bat bortxatzea eta egunez atxikitzea egotzita. Horietako bat libre utzi zuen jarraian, bere parte hartzearen froga nahuikorik ez zegoelakoan. Eusko Jaurlaritzaren Segurtasun Sailak adierazi zuenez, erasoak Bilboko Atxuri auzoko etxe batean jazo direla salatu zuen emakumeak. Ostiraletik igandera arte egon zen etxean bahituta eta erasoak pairatzen, hiru egunez. Ertzaintzak Basurtoko ospitalera eraman zuen emakumea.
Astelehena Ertzaintzaren komisaldegian eman zuten hiru gizonek. Astearte goizean epailearen esku utzi dituzte, prozedura judiziala hasteko. Arratsaldean, Bilboko 4. Instrukzio epaitegiak hiru gizonetarik bi espetxeratzeko agindua eman du, sexu erasoa eta bahiketa egotzita. Hirugarrena aske geratu da, karguekin. Hirurei urruntze agindua eta biktimarekin harremanetan jartzeko debekua ezarri die.
Salaketak
Bilboko Udalak eta Bizkaiko Aldundiak erasoa salatu dute, biktimari "babes osoa" adieraziz. Bilboko Alde Zaharreko Kalamiak talde feministak mobilizazioa deitu du astearte arratsaldeko 19:30etan, "Autodefentsa feministaz armatuta gaude" lelopean.
[ELKARRETARATZEA]
— Bilboko Bilgune Feminista (@BilbokoBf) September 24, 2019
⬇️⬇️ Gaur
19.30
San Anton zubian Erasorik ez erantzunik gabe! pic.twitter.com/tJoLxEzAaN
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]