Hiru diputazioentzat 50 milioi euroko isuna proposatu du Europar Batasunak

  • Europar Batasuneko (EB) Justizia Epaitegiko abokatu nagusi Eleanor Sharpstonek Espainiako Estatuak opor fiskalengatik 50 milioi euroko isuna ordaintzea proposatu du. Isuna EAEko hiru diputazioentzat da, 90eko hamarkadan 300 enpresari legez kanpoko zerga pizgarriak eman eta diru hori garaiz ez berreskuratzeagatik.


2014ko urtarrilaren 24an - 00:00
Azken eguneraketa: 2015-02-26 13:37:33
Isuna ezarriz gero diputazioek erabaki beharko dute zein proportziotan ordaindu. Argazkia: bizkaia.net.

Sharpston abokatuarena proposamena baino ez da, baina proposamen horien %80 epai bihurtzen da. Abokatuak berak aitortu du isun proposamena munta handikoa dela (50 milioi euro, Europako Batzordeak proposatutakoa baino 14 milioi euro gutxiago). Halako proposamena egiteko arrazoi nagusitzat eman du foru aldundiek etengabe bete gabe utzi zituztela auzitegiaren epaiak, alegia, legez kanpo emandako zerga pizgarriak berreskuratzeko epeak ez dituztela errespetatu. Beste bi arrazoi ere eman ditu: bata, halako neurriek merkatuari eragin ziezaieketela, eta bestea, 300 enpresei emandako zerga pizgarriak kopuru handikoak izan zirela.

Gipuzkoak, Bizkaiak eta Arabak berreskuratu dute dirua. Dena dela, Europako abokatuak berreskuratu beharreko kopurua murriztu du, Batzordeak egindako proposamenarekin alderatuz. Batzordeak 358 milioi euro berreskuratzea proposatu bazuen, atzo abokatuak 322,3 milioi euroko zifra ezarri zuen. Arabak 212,4 milioi (%65,89) jarri beharko luke, Bizkaiak 68,7 milioi (%21,31) eta Gipuzkoak 41,2 milioi (%12,8).

Europako gorteak isuna ezartzea erabakitzen badu Batzordeak Espainiako Estatuaren administrazioari eskatuko dio ordaintzea. Espainiako Gobernuak ordea, argi du foru aldundiek ordaindu beharko dutela. Bizkaiak eta Gipuzkoak aurreratu dute emandako opor fiskalen kopuruaren arabera ordaindu beharko litzatekeela isuna.


Irakurrienak
Matomo erabiliz
Azoka
Kanal honetatik interesatuko zaizu: Fiskalitatea
Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2024ko europa neoliberalak, Schäubleren politika austerizida du ipar

Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Austeritate politikak
Hau 2024 urtea da: ongi etorri Europa neoliberalaren "normaltasunera"

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


2023-02-01 | ARGIA
Araba, Bizkaia eta Gipuzkoan fiskalitatea aldatzeko asmoa agertu dute EAJk eta PSOEk

Bi alderdiek azaldu dutenez "elkarrizketak" abiatu dituzte zerga sistemaren inguruko erreforma egiteko. Helburuetako bat "progresibitatea handitzea" izango dela diote, baina prozesua udal eta foru hauteskundeen ondoren amaituko dela ohartarazi dute.


Zerga politikak eta justizia soziala

Mundu honetan ezer ez da ziurra, heriotza eta zergak izan ezik”. Benjamin Franklinek esan omen zuen 1789an eta, egia esateko, ez zaio arrazoirik falta. Erresuma Batuko lehen ministroaren zergak murrizteko proposamenak hondamendia ekarri zuen bertako ekonomian eta... [+]


Eguneraketa berriak daude