Araba, Bizkaia eta Gipuzkoan fiskalitatea aldatzeko asmoa agertu dute EAJk eta PSOEk

  • Bi alderdiek azaldu dutenez "elkarrizketak" abiatu dituzte zerga sistemaren inguruko erreforma egiteko. Helburuetako bat "progresibitatea handitzea" izango dela diote, baina prozesua udal eta foru hauteskundeen ondoren amaituko dela ohartarazi dute.


2023ko otsailaren 01an - 11:37
Azken eguneraketa: 14:54
Andoni Ortuzar EAJko presidentea eta Eneko Andueza PSEok idazkari nagusia (argazkia: Europa Press)

2013ko eta 2018ko zerga erreformen ondoren, berriz ere fiskalitatearen gaiari heltzeko asmoa erakutsi dute EAJk eta PSEk. Azaldu dutenez, harremanak hasi dituzte horren inguruan hitz egiteko, "alderdi biek ezinbesteko jotzen baitute progresibitatea areagotzeko eta euskal gizarteak aurre egin beharko dien erronkei erantzuteko", diote prentsara bidalitako ohar bateratuan.

Eusko Jaurlaitzako bi alderdiek, baina, oharrean ez dute zehaztu arau fiskal berriek zer neurri hartuko luketeen, "progresibitatea" areagotzetik harago: "Euskadikoa moduko gizarte modernoak fiskalitatearen bidez erantzun behar die, aberastasuna banatzeko eta desparekotasun-egoerei aurre egiteko tresna boteretsua baita, esparru ezberdinetan biziko diren eraldaketa nagusiei", diote.

Oharrean ez dute zehaztu arau fiskal berriek zer neurri hartuko luketeen, "progresibitatea" areagotzetik harago

Nolanahi ere, ohartarazi dute elkarrizketa hasi besterik ez direla egin eta ziurrenik maiatzeko udal hauteskundeen ondotik ezin izango dela erreforma hori aurrera eraman.

Iragarpena egin eta berehala lehen erreakzioak izan dira sindikatu eta oposizioko alderdien artean. Elkarrekin Podemosek begi onez ikusi du erreformari ekitea, baina "hauteskunde kutsua" duela dio eta gogorarazi du 2020an erreforma fiskal baterako egin proposamenari ezezkoa eman zitzaiola.

EH Bilduk, bere aldetik "propaganda" besterik ez du ikusten: "8 urte daramatzate politika fiskalaz arduratzen diren hiru erakundeak gobernatzen eta ez dute ezer egin", azaldu du koalizio abertzaleak. Nabarmendu du Araba, Bizkaia eta Gipuzkoako Batzar Nagusiak desegiteko "bi hilabete eskas falta direnean" hasi dutela prozesua EAJk eta PSEk.

ELAk ere oharra kaleratu du bere ondorioekin. Azaldu duenez, sindikatuak urteak daramatza beste fiskalitate bat eskatzen eta orain arte "entzugor" egin zaiola. Hartu beharreko neurrien artean, enpresen irabazien gaineko zerga %25ean kokatzea eskatu du, eta datu bat ere eman du: zerga horrekin 2007tik ona jasotako diru kopurua erdira jatsi da.

 

 


Kanal honetatik interesatuko zaizu: Fiskalitatea
Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2024ko europa neoliberalak, Schäubleren politika austerizida du ipar

Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Austeritate politikak
Hau 2024 urtea da: ongi etorri Europa neoliberalaren "normaltasunera"

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Zerga politikak eta justizia soziala

Mundu honetan ezer ez da ziurra, heriotza eta zergak izan ezik”. Benjamin Franklinek esan omen zuen 1789an eta, egia esateko, ez zaio arrazoirik falta. Erresuma Batuko lehen ministroaren zergak murrizteko proposamenak hondamendia ekarri zuen bertako ekonomian eta... [+]


Eguneraketa berriak daude