Hil egin da Laudioko ZIU mugikorreko mediku falta pairatu zuen herritarretako bat
Bihotz-gelditzea pairatu zuen eta Bilboko Zainketa Intentsiboetarako Unitate mugikorra bertaratu behar izan zen bera artatzera, Laudiokoan ez zegoelako medikurik. Horrek nabarmen atzeratu zuen ospitaleratze prozesua.
Hil egin da ostegunetik ostiralera bitarteko gauean Laudioko ZIU mugikorreko mediku falta pairatu zuen herritarretako bat, zenbait osasun langilek baieztatu dutenez.
Herritarrak bihotz-gelditzea pairatu zuen bere etxean, baina Laudioko Zainketa Intentsiboetarako Unitate mugikorrak ezin izan zuen artatu, ez zuelako medikurik. Osasun langileek azaldu dutenez, horrelako kasuetan beharrezkoa da anbulantzia medikalizatua izatea, pazienteari zenbait botika indartsu administratu egin behar zaizkiolako egoera bideratzeko, beste hainbat parametro mediku kontrolatzearekin batera (arritmiak, bestelako gorabeherak...).
Gauzak hala, Bilboko ZIU mugikorra bertaratu behar izan zen herrira, eta horrek 40-50 minutu inguru atzeratu zuen ospitaleratze prozesua, osasun langileek salatu dutenez.
Gau berean, gainera, beste herritar batek bihotzekoa izan zuen. Kasu horretan, herritarra bere kabuz bertaratu zen Laudioko Etengabeko Arreta Gunera. Bertan ikusi zuten bihotzekoa izan zuela, eta kasu horretan ere Bilboko ZIUa bertaratu behar izan zen ospiralera eramateko.
Osakidetzako Langileen Batzordeak salatu duenez, ekainetik hona ZIU Mugikorretako 100 txanda baino gehiagotan ez da medikurik egon.
Bigarren heriotza aurten
Gertakari honek gogora ekartzen du urtarrilean Laudioko Etengabeko Arreta Gunean gertatutakoa, 42 urteko laudioar bat (David Hernandez "Fabi") bihotzekoak jota hil zenean mediku baten arreta jaso gabe.
Ordutik hona hainbat salaketa ekimen abiatu dira eskualdean osasun sistema publiko eta duina aldarrikatzeko. Protesta horiek mediku faltan jarri dute batez ere begirada.
Izan ere, hilabete ugari igaro diren arren, arazoa ez da bideratu. Iragan astean 24 mediku txanda zeuden betetzeke Laudio eta Amurrioko Etengabeko Arreta Guneetan abuztu eta irailerako.
Osasun langileek azaldu dutenez, ZIU mugikorren funtzionamendua ez dago Etengabeko Arreta Guneetara lotuta, baina antzeko arazoak pairatzen dituzte bertan ere.Uda honetan hainbat aldiz egon da unitate hori medikurik gabe, eta eskualde honetakoa ez da kasu isolatu bat. Osakidetzako Langileen Batzordeak salatu duenez, ekainetik hona ZIU Mugikorretako 100 txanda baino gehiagotan ez da medikurik egon.
Hautaketa prozesuetako kudeaketa “geldirik edo kaosean murgilduta” dagoela diote elkarretaratzearen deitzaileek.
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.
Faltan Botatzen Dugu plataformak eman du gertakariaren berri, eta zaintza aringarrien zerbitzuaren "egoera kritikoa" salatu du. Medikuak haren kontakizuna argitaratu du sare sozialetan, eta jakinarazi du lana utzi duela denbora batez: "Ezinezkoa zait baldintza... [+]
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
Barakaldoko ospitaleko larrialdi zerbitzuan sufritzen ari diren "saturazioa larria" dela ohartarazi du sindikatuak. Pazienteak korridoreetan artatu dituztela eta krisia kudeatzeko "behar adina langile" ez dagoela salatu du. Errealitate horren aurrean... [+]
Alberto Martinez Eusko Jaurlaritzako Osasun sailburuak argi dio: ez ditu mediku euskaldunak aurkitzen, eta euskarazko osasun arreta ezin da bermatu mediku egoiliar (formazioan dauden espezialista) gehienak kanpotarrak direlako. Mediku euskaldunak bilatzea perretxikotan joatea... [+]
Bizilagunek "egia eta politika" merezi dutela adierazi dute, oraindik konponbiderik bilatu ez zaizkien arazo ugari edukitzen jarraitzen baitute. Ikasketei eta osasun arretari loturiko arazoak nabarmendu dituzte.
Alberto Martínez Jaurlaritzarne osasun aholkulariak jakinarazi du erabakia, Gasteizeko Legebiltzarrean. Langile guztiak subrogatuko dituztela ere esan du.
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]