ARGIA.eus

2021eko martxoaren 05a

Hidrogenoaren Euskal Korridorea sortu dute

  • Bilboko portua eta Zorrotzaurre artean gasbide bate eraikitzeko makroproiektua aurkeztu dute 78 erakunde publiko eta pribatuk Euskalduna Jauregian. 2020 eta 2026 artean 1.300 milioi euro inbertitzea aurreikusten dute. Petronor-Repsol da proiektuaren sustatzaile nagusietakoa.

ARGIA @argia
2021eko otsailaren 22a
Argazkia: eitb.eus

Elkarlanerako Memoranduma sinatu dute Hidrogenoaren Euskal Korridorean (BH2C) modu batera edo bestera parte hartuko duten 78 antolakundeak. Sei erakunde publikoak dira, hamabi zentro teknologikoak edo garapenerakoak, eta 58 enpresa pribatuak. Aurkezpenean adierazi dutenaren arabera, sei urtetan zuzeneko 1.340 enplegu eta zeharkako beste 6.700 sortzea aurreikusten dute sustatzaileek. Sektore pribatuaren eta publikoaren arteko elkarlana aldarrikatu dute Euskalduna Jauregian.

Petronorreko presidente Emiliano Lopez Atxurrak adierazi du proiektuak industria bultzatuko duela eta “elkarrekin egin beharrekoa” dela, babes publikoa eskatuz. Garapen Ekonomikoko sailburu Arantxa Tapiak Europatik sustatzen ari den energia arloko eraldaketan kokatu du BH2Ca. Next Generation funtsetatik korridorearentzako diru partida handia bideratzea eskatu du Eusko Jaurlaritzak, baina onartu edo ez korridorea egingo dela ziurtatu du sailburuak: “Hortik dirua badator ondo etorriko da aurrera bizkorrago egiteko, baina egin egingo da, dirurik ez badator ere”

Makroproiektu energetikoa

Hidrogenoaren Euskal Korridorea ibai azpitik igaroko litzatekeen gasbidea da. Sustatzaileen helburua urtean 20.000 tona hidrogeno ekoiztea da, eta karbono dioxido isuriak urtero milioi eta erdi tona murriztea. Lander Arbelaitzek Next Generation funtsei buruzko analisian nabarmendu zuenez, Eusko Jaurlaritzak funts horietara aurkeztu dituen proiektuetatik pisu ekonomiko handienekoa da: “1.144 milioi euroko proiektua da eta funtsetatik 220 milioi eskuratu nahi lituzkete Petronor, Repsol eta Sener gisako enpresekin elkarlanean aritzeko”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Energiaren sektorea kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude