Hernaniko gazte batek azken urteetan egindako sexu erasoak salatzeko kontzentrazioa deitu du mugimendu feministak
Hernaniko Koordinadora Feministak, azken urteetan Hernaniko gizon gazte batek eragindako erasoen berri jaso izan du, eta jakinarazi du «dagoeneko 3 eraso sexual oso larriren berri» izan duela. Hau guztia salatzeko, ostegun honetarako kontzentrazioa antolatu da, 19:00etan.
Azken urteetan, Hernaniko Koordinadora Feministak gizon gazte batek eragindako «erasoen berri» jaso izan du, eta gainera, jakinarazi du, «3 eraso sexual oso larriren berri» izan duela, eta horietako bat «denboran errepikatua, eta ondorioz emakumeari itoaldi haundiagoa sortu diona».
Hori horrela, Hernaniko Koordinadora Feministak eraso hauen aurrean «haserrea» adierazi nahi izan du. Eta mezu hau helarazi du: «Eraso sexualez zabaltzen den irudia da gauean, etxera bidean bakarrik goazela gizon ezezagun batek egindakoa. Baina errealitateak erakutsi digu, hori ez dela horrela, erasotzaileak gure komunitateetakoak direla, aurretik ezagutzen ditugu, gure gertukoak, ingurukoak, gure familiako kideak, koadrilakoak, militantzia kideak, eta ez gauez, izkina ilun batean agertzen diren mamuak. Erasotzailea ez da Txotx garaian etorritako gizon bat, edota kanpotik Hernanira bizitzera etorritakoa, ezta gau batean Hernanitik pasa zen ezezagun bat ere. Baizik eta, gure komunitateko kide bat, erasotu dituen emakumeek aurretik ezagutzen zuten pertsona hori, gerora, beraiengandik gertu egon izan da, haien ezinegona areagotuz».
Hori horrela, erasoei aurre egitea «guztioi dagokigun zeregina» dela azaldu du, izan ere «erasoak ez dira gertatzen erasotzailea munstro bat delako, baizik eta sozialki toleratzen eta, askotan, ezkutatzen direlako. Horrexegatik, erasotzailea gertukoa denean, salatzea, aurre egitea eta hartu beharreko neurriak hartzea ere gehiago kontatzen da. Era berean, azpimarratu nahi dugu, indarkeria matxista gure jendartean indarrean dauden genero harremanen ondorioetako bat dela, eta dugun arazo sozial larrienetariko bat ere bai».
«Prozesu bat jarri dugu martxan»
Hernaniko Koordinadora Feministak jakinarazi du, «erasotutako emakumeen osatze eta erreparazioa helburu, eta erasoak berriz ez gertatzeko xedez, emakumeek eurek adierazitako beharretatik abiatuta, prozesu bat jarri dugula martxan, erasotzaileari hainbat betebehar eta eskakizun exijituz. Prozesuaren jarraipen bat egingo da, halaber».
«Haserre» daudela helarazi nahi izan dute, «amorratuak eta prozesua berriro ez gertatzeko neurriak jorratzen ari garen arren, gertatutakoa publikoki eta kalean salatu nahi dugu. Ez bada esaten, badirudi ez dela existitzen, eta bai, Hernanin eraso sexualak gertatzen dira, gure komunitateetan pairatzen ditugu, eta gure ingurukoak dira erasotzen gaituztenak. Ez ditugu onartuko, ez gara isilik geratuko!».
Hori guztiagatik, Hernaniko Koordinadora Feministak gure herrian gertatutako eraso sexualak publikoki salatzeko deialdia zabaldu du, eta «parte hartzera gonbidatu nahi zaituztegu».
Ostegun honetan, guzti hau salatzeko, kontzentraziorako deia egiteaz gain, bertaratzeko deia luzatu dute, arratsaldeko 19:00etan Tilosetan.
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Uda giroan barneratuta, heldu dira herriko festak, baita sexu erasoen salaketen gorakada ere. Gozamenerako guneak sortzeko hilabeteetako lana egiten dute jai eta txosna batzordeetako kideek, eta goraipatzekoa da espazio horiek bermatzeko herritar boluntarioek egiten duten... [+]
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Adimen Artifizialaz egindako bideoak sareratu dituzte, Mengolini difamatzen dutenak. “Gorrotoa bultzatzea, indarkeria kolektiboa eta bortxazko mehatxuak” izan direla salatu du kazetariak, eta zigor bideari ekingo diola.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
.jpeg)
Lanpostuak, emakumeak artatzeko egonaldi ertaineko harrera zerbitzua eta aurrekontua murriztu ditu Aldundiak.
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.
Hiru gizonetatik bi adin txikikoak dira eta epaitegian deklaratu dute. Hirugarrenaren bila ari dira.
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]