Hernaniko sei gazte absolbitu ditu Auzitegi Nazionalak
Espainiako Auzitegi Nazionalak absolbitu egin ditu epaiaren zai zeuden Hernaniko sei gazteak. Segiko kide izatea egotzi zieten, eta beraz, ETAko parte izatea. Iñigo Alzelai, Aitzol Arrieta, Egoitz Balerdi, Jon Ezeiza, Asier Olano eta Ekhi Oñate dira absolbituak.
aurre egingo dieten hedabide independenteak
Epaiketa berean akusatuta zeuden beste lau gazteren kontrako akusazioa kendu zuen fiskalak irailaren 28an: Mikel Garcia, Antton Zabala, Txaber Zabaleta eta Ekaitz Telleria. Beste seik epaiaren zain jarraitzen zuten eta gaur jakin denez, horiek ere libre geratuko dira.
Akusatutako gazteek epaiketan deklaratu zutenean torturak salatu zituzten eta euren aurka egindako salaketak gezurtatu.
Gaur absolbitu duten Aitzol Arrieta gaztearen testigantza jaso zuen lehen pertsonan Irati Sarasua kazetariak, Beste Ni blogean.
