Hego Euskal Herriko 700 pisu turistiko ilegalen iragarkiak kendu beharko dituzte plataforma digitalek
Araban 19, Bizkaian 279, Gipuzkoan 173 eta Nafarroan 230. Espainiako Etxebizitza Ministerioak Hego Euskal Herrian 701 etxebizitza turistiko ilegal atzeman ditu eta plataforma digitalei eskatu die haien iragarkiak kentzeko webguneetatik. Airbnb-k, plataformarik indartsuenak, adierazi du ministerioaren erregistroan onartuak izan ez direnen %10 baino gutxiago dituela plataforma digitalean, eta araudia “zorrotz” beteko duela.
Plataforma digitalek –Airbnb, Booking eta Rentalia dira garrantzitsuenak– Hego Euskal Herriko 701 pisu turistikoren erreferentziak kendu beharko dituzte, hala eskatuta Etxebizitza Ministerioak. Bizkaia da kopuru handiena duena, alegia, erregistratzea eskatu eta eskaria atzera bota die ministerioak 279 pisu turistikori. Hiriburuei dagokienez, ia berdinduta daude Donostia eta Bilbo. Lehenengoan 138 etxebizitza gelditu dira erregistrotik kanpo eta Bilbon bat gutxiago.
Eldiario.es hedabideak jaso duenez, urte honen hasieran jarri zuen abian erregistroa Espainiako Gobernuak. Etxebizitza turistikoek eta sasoiko alokairuko etxebizitzek erregistro zenbaki bat eduki behar dute plataforma digitaletan iragarkia jartzeko. Uztailaren 1etik aurrera derrigorra da. Hala, Etxebizitza Ministerioak azaldu du plataforma digital nagusietan 53.876 etxebizitza turistiko ilegal atzeman dituela, eta plataformei eskatu die iragarkiak kentzeko. Ministerioko eledunek adierazi dutenez, erregistratzearen helburua da etxebizitza turistiko ilegalak eta sasoiko alokairuen iruzurra azaleratzea.
Erregistratzeko, eskaria egin behar da erregistratzaileen kolegioan. Pisu horren datu nahiko ez baldin bada jasotzen edo datuek araudia ez badute betetzen, etxebizitzak ez du lortuko erregistro zenbakirik. Ministerioak, erregistratutako pisuen datuak eta plataforma digitaletakoak gurutzatzen ditu, eta horrela atzematen ditu erregistratu gabe, alegia, modu ilegalean, plataformetan iragartzen ari direnak.
Plataforma digitalek beren webguneetan argitaratutako alokairuko etxebizitzen datu guztiak helarazi behar dizkiote ministerioari, besteak beste, urtean behin helarazi behar dituzte etxebizitza turistiko bakoitzaren jarduerari buruzko datuak edo sasoiko alokairuari buruzkoak, errentatzaileek emandako erregistro zenbakia, etxebizitzaren helbidea eta eskaintza egiten den iragarkiaren web helbidea.
Airbnb plataformak adierazi du erregistratzea lortu ez dutenen artean %10ak baino gutxiagok daukala iragarkia bere plataforman. Iragarki horiek kenduko dituela esan du. Gehitu du iragarle orori jakinarazi diola erregistro zenbakia behar duela, eta urtarriletik Espainian 70.000 iragarki gehiagok betetzen dutela araudia.
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
BiziLagunEkin desazkunde turistikoaren aldeko Donostiako plataformak ekainaren 15erako deitu du manifestazioa, Europa Hegoaldeko beste hainbat hiritako eragileek bezala. Turistifikazioa salatu eta hiri eredu alternatiboa aldarrikatuko dute.
Espainiako Gizarte Eskubide eta Kontsumo Sailak enpresari eskatu zion Espainiako Estatu osoan 65.935 etxebizitzaren iragarkiak webgunetik kentzeko, araudia betetzen ez zutela egotzita. Airbnbk helegitea aurkeztu zuen, Madrilgo Auzitegi nagusiak arrazoia eman dio gobernuari,... [+]
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Espainiako Auzitegi Gorenak ebatzi duenez, bizilagunen komunitateek eraikin edo urbanizazio batean etxe turistiko gehiago jartzea debekatzeko ahalmena izango dute, betiere bostetik hiruko gehiengoa lortuz gero. Modu horretan, atzera bota ditu Espainiako Estatuan etxe turistikoen... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Lau egunez behin hotel berri bat zabaltzen dute Espainiako Estatuan.
Etxebizitza turistiko berriak erregistratzeko baimenik ez ematea erabaki du Mundakako gobernu taldeak, ostegun honetan egin duen ezohiko bileran. Hirigintza Antolamendurako Plan Orokorrean (HAPO) behar diren aldaketak egingo ditu lizentzien etetea burutzeko.