Harkaitz Canoren 'Fakirraren Ahotsa'-k irabazi du Nafarroako liburu saltzaileen 2019ko saria
Martxoaren 29an banatuko dira sariak, Nafarroako Museoan.
Harkaitz Canoren Fakirraren ahotsa, euskarazko atalean; Santiago Lorenzo-ren Los Asquerosos, gaztelaniazkoetan eta Lo Liszt, Kyo Maclear eta Julia Sardarena ilustrazio atalean izanen dira sarituak. Autoreak eta editoreak gonbidatu dituzte sari banaketara, mahai inguru batean, irakurleekin iritziak eta hausnarketak partekatzeko.
Liburu saltzaileen gomendio moduan aurkezten dira sari hauek. 17 dendak osatzen dute elkartea. Guztien artean elkartu, proposamenak plazaratu, elkarbanatu, lanak irakurri eta irabazleak adosten dituzte. Bigarren urtea da, eta Katakrak liburudendako Hedoi Etxartek azaldu moduan, beren elkarteari literatur kutsu handiagoa emateko hasi zen lehiaketa hau.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]
Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]
Gorka Setien Berakoetxea poemagile hernaniarra hil da otsailaren 4tik 5erako gauean. Bost liburu idatzi zituen, irrati libreetako ahotsa izan zen eta gozo entzuten eta zaintzen zekien. 2019an autoedizioan argitaratu zuen bere poema liburu berriena, Naufragoen altzoa.