Gutxienez zortzi lagun hil dituzte eta hainbat zauritu izan dira ostegunean Hanburgon, Alemania iparraldean. Gertaera 21:00etan jaso zen, Jehovaren Lekukoen egoitza batean. Ustez, pertsona batek tiroketa hasi zuen leku barruan zeuden pertsonen aurka. Poliziak tiro batzuk entzun zituzten eta azkar iritsi ziren arren, ordurako isilduta zegoen.

Gauerdian, Poliziak sare sozialen bidez jendeari eskatu zion ez zabaltzeko “autoreei edo gertakariari buruzko eztabaidak”, eta jakinarazi zuen ez zegoela tiroketaren arrazoiari buruzko “informazio segururik”, EFEren arabera. Gertaera jaso den lekuan, Poliziak hamazazpi zauritu aurkitu dituela esan du EFEk. 

Poliziak ikertzen jarraitzen du, baina goizean baieztatu du ustezko erasotzailearen gorpua aurkitu dutela. Nahiz eta hasiera batean, autoreek ihes egin zezaketela jakinarazi zen. Izan ere, Poliziak egoitzaren inguruko kale guztiak itxi ditu eta herritarrei euren etxetik ez irteteko eskatu die. 

Alemaniako Taz hedabide independentean nabarmendu dute Jehovahko lekukoen komunitatea "guztiz shockean" dagoela gertatutakoarekin.