12 lagun hil dituzte 'Charlie Hebdo' aldizkari satiriko frantziarraren aurkako erasoan
Asteazken goizean bi pertsona armatu Charlie Hebdo aldizkari satiriko frantziarraren egoitzan sartu eta 12 lagun hil dituzte.
Beste hiru pertsona larri zauritu dituzte erasoan. Gertu dagoen eraikin batean lan egiten duen Vincent Justin kazetariak kontatu duenaren arabera, 11:00etan beltzez jantzitako bi pertsona Kalaxnikov fusilekin sartu dira Charlie Hebdoren egoitzan.
"Profeta mendekatzera goaz" oihukatu dute, iturri horren arabera, atentatuaren egileek. Aldizkariak Mahomaz irri egiten zuten marrazkiak argitaratu izan dituela seinalatu dute zenbait hedabidek.
Asteazkenetan egiten dute aldizkariko bilera nagusia. Hori dela-eta, hedabide horretako figura nagusiak eraikinean ziren atentatuaren unean. Zuzendaria hil dute, baita Charb, Cabu, Tignous eta Wolinski marrazkilariak ere, beste zenbaiten artean.
Frantziako Barne ministroaren arabera, hiru pertsona egon litezke inplikatuta. Erasoaren ondoren, ihes egin dute. Sare sozialetan zabaldu diren irudien arabera, ihesean zihoazela poliziaren auto bat tirokatu eta agente bat hil dute.
Zenbait ordu geroago, erasotzaileek erabili duten autoa Parisko XIX. barrutian aurkitu dute, aurreko kristala apurtuta eta istripua eduki izanaren itxurarekin. France 2ko kazetari baten arabera, beste auto bat lapurtuta jarraitu dute ihesaldia.
Iturri polizial batek Le Monderi azaldu dionez, 3.000 polizia agente mobilizatu dituzte Parisen. "Maila goreneko alerta egoera" ezarri du Frantziako Gobernuak, Jack Moore kazetariaren arabera.
BREAKING: France raises Paris alert status to highest level after #CharlieHebdo shooting. (@AFP)
— Jack Moore (@JFXM) January 7, 2015
Erreakzioak
François Hollande Frantziako presidenteak ekintza terroristatzat jo du aldizkariaren kontrako erasoa. 20:00etan telebista bidez adierazpena iragarri du Eliseoak.
Erreakzio ugari eragin ditu Frantziako komunitate musulmanean ere: Kultu Musulmanaren Kontseilu Frantziarrak ohar bat argitaratu du. "Demokraziaren eta prentsa askatasunaren" aurkako erasotzat jo du eta islama baliatzen duten talde terroristen kontra agertu da.
Atentatua gaitzesteko elkarretaratzea deitu dute Baionako Herriko Etxean 18:30ean, Kazetak argitaratu duenez.
Erasoa iruditan
France TV Infok zabaldu ditu erasoaren lehenbiziko irudiak.
Le Monde egunkaria zuzenean ari da ematen erasoaren berri.
Bost urteko ikerketaren ostean, Parisko Epaitegi Judizialak ustez erasoan lagundu zuten hamalau lagun epaituko ditu. Bien bitartean, adierazpen askatasunaren inguruko eztabaida berpiztu da Frantziako Estatuan.
Maiatzaren 4an hasi eta uztailaren 10era bitarte egitekoa zen. Epaitegiko lehen auzialdiko presidenteak adierazi du ez dagoela baldintza egokirik horretarako, osasun krisia dela-eta.
Ezkerraren itxaropen zaharberrituekin ekin urte berriari eta alde guztietako kontserbadore eta inmobilistek aldarrikatutako Zibilizazioen Talkaren edizio odoltsuekin burutu, horra zein izan den 2015 honen patua. Disney World edo Port Aventurako txirrista erraldoietako batean... [+]
Hitza eta marrazkia. Marrazkia eta hitza. Hitzak marraztu eta marrazkiak esan. Ahotik lapitza atera eta mingaina eskuan hartu. “Santa Barbara bendita, tralaralaralaralai...”.
500 komikigilek manifestazioa egin dute Anguleman euren erretreta osagarriaren kotizazioa neurtzerakoan egin azken aldaketez kexu.