Musulmanen aurkako 54 ekintza bost egunetan Frantziako Estatuan
Frantziako Musulmanen Kontseiluak (CFCM) musulmanen aurkako 54 gertakari identifikatu ditu Charlie Hebdo aldizkariaren aurkako erasoaren ondoren.
Asteazken gauean hasi ziren erasoak eta mehatxuak. Abdallah Zekri kontseiluko presidenteak Barne Ministerioak emandako datuak azaldu ditu: musulmanen aurkako 54 gertakari izan dira asteazken gauetik Frantziako Estatuan.
54 gertakarietatik 21 erasoak izan dira eta 33 mehatxuak. Dena den, datu horiek ez dituzte aintzat hartzen Parisen eta inguruetan gertatutako ekintzak, Politis agerkariak argitaratu duenez.
Zekrik uste du, gurtza musulmanerako lekuek zaintza handiago behar dutela kalean dagoen “gorroto eta mendeku goseari” aurre egiteko.
Manuel Valls Frantziako lehen ministroak esan du "oso kezkagarria" dela egoera eta euren eskuetan dagoena egingo dutela gurtza tokiak eta herritar guztiak babesteko.
Baionan bi eraso
Jatorri arabiarreko pertsonen kontrako pintaketak egin zituzten erasoaren ostean Baionako meskita batean Berriak jaso duenez. Bestalde, Sud Ouesten arabera, harategi bat eta fruitu eta barazki denda batek ere erasoa jasan dute, ustez Charlie Hebdoren aurkako atentatuarekin lotuta.
Erasoen mapa RT webgunean:
Bost urteko ikerketaren ostean, Parisko Epaitegi Judizialak ustez erasoan lagundu zuten hamalau lagun epaituko ditu. Bien bitartean, adierazpen askatasunaren inguruko eztabaida berpiztu da Frantziako Estatuan.
Maiatzaren 4an hasi eta uztailaren 10era bitarte egitekoa zen. Epaitegiko lehen auzialdiko presidenteak adierazi du ez dagoela baldintza egokirik horretarako, osasun krisia dela-eta.
Ezkerraren itxaropen zaharberrituekin ekin urte berriari eta alde guztietako kontserbadore eta inmobilistek aldarrikatutako Zibilizazioen Talkaren edizio odoltsuekin burutu, horra zein izan den 2015 honen patua. Disney World edo Port Aventurako txirrista erraldoietako batean... [+]
Hitza eta marrazkia. Marrazkia eta hitza. Hitzak marraztu eta marrazkiak esan. Ahotik lapitza atera eta mingaina eskuan hartu. “Santa Barbara bendita, tralaralaralaralai...”.
500 komikigilek manifestazioa egin dute Anguleman euren erretreta osagarriaren kotizazioa neurtzerakoan egin azken aldaketez kexu.