Guardia Zibilak trafikoan jarrai dezan nahi du Nafarroako eskuinak
Jose Luis Arasti Nafarroako Espainiako Gobernuko ordezkariak esan duenez, posible da trafiko eskumenak aurrerantzean Guardia Zibila eta Foruzaingoaren artean eramatea.
aurre egingo dieten hedabide independenteak
Joan den urriaren 31n Nafarroako Gobernuko lehendakari Uxue Barkosek eta Espainiako Gobernuko lehendakari Pedro Sánchezek Nafarroak trafiko eskumenak eskuratuko zituela adostu zuten. Noizko eta nola ez zuten finkatu, ordea, eta Nafarroako eskuina gogor ari da kritikatzen balizko eskumen aldaketa. Ez da Espainiako Gobernuak aldaketa iragartzen duen lehen aldia, baina orain arte ez da inoiz gauzatu.
Gaur egun Foru Poliziak trafiko lanen %80 eramaten du eta gainerakoa Guardia Zibilak. Institutu militarrak 1.500 guardia zibil ditu gaur egun Nafarroan eta horietatik 240 trafiko lanetara bideratzen ditu. Foruzaingoaren ustez, 150 polizia gehiagorekin berak hartuko luke lan guztia bere gain. Galdera da ea orduan zer gertatuko litzatekeen guardia zibil horiekin; Aristik garbi utzi duenez, guardia zibilen kopurua ez da txikituko Nafarroan.
Bilkura Guardia Zibilaren alde
Astearte arratsaldean Guardia Zibilaren hainbat elkartek bilkura egin zuten Iruñean talde armatu honek jarrai dezan Nafarroako trafikoaren ardurarekin; 250 bat pertsona bildu ziren bertan, Diario de Noticias-en esanetan, tartean UPN, PP eta Ciudadanoseko ordezkariak. Egunkari honen arabera, Espainiako banderak zeramatzaten eta Uxue Barkos lehendakariak ez dituela ordezkatzen oihukatu zuten.
Voxen oihartzunak Nafarroan
Andaluziako hauteskundeen emaitzen uhinak ere iritsi dira Nafarroara eta honen harira, UPNko foru parlamentario Sergio Sayasen esanetan, egungo gobernua aldatzeko ez zaio muzin egin behar inori –Voxi erreferentzia eginez–, salbu eta “nazionalista eta separatistei”. Voxek argi azaldu du foru erregimena bertan behera uztearen aldekoa dela, baita autonomien estatua desegitearen aldekoa ere.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
Guardia Zibilaren historia bat - Hemendik alde egiteko arrazoiak izenburupean, datorren astean argitaratuko dugun 305. LARRUN aldizkariaren pasarte batzuk dira ondorengoak, erakunde armatuaren sorrera garaietan girotutakoak.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Guardia Zibilak Mikel Arregi tiroz hil zuen 1979ko azaroaren 11n. Ordutik 45 urte igaro diren honetan, gogoratzeko herri ekimena egin dute larunbatean Lakuntzan. Aurten, urteurren berezia dela adierazi dute, Nafarroako Gobernuak indarkeria polizialaren biktima izendatu duelako... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
Orain 180 urte sortu zenetik lehen aldiz, kuarteletik kanpo eta Gasteizko erdigunean ospatu du Guardia Zibilak bere patroiaren eta hispanitatearen eguna. Bertan izan dira Gasteizko alkate Maider Etxebarria, Espainiako Gobernuko ordezkari Marisol Garmendia, Gasteizko gotzaina eta... [+]
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]