Guardia Zibilak bizkarretik tiro eginda hil zuen pertsona bat Madrilen, agerraldi psikotiko bat jasatean
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
aurre egingo dieten hedabide independenteak
Guardia Zibilak 2020ko irailaren 20an erail zuen Diego Martínez-Conde izeneko gazte bat, Manzanares el Real herrian (Madril). Eskizofrenia pairatzen zuen 26 urteko mutilak, eta agerraldi psikotiko bat jasan zuen goizaldeko 04:00ak aldera: Poliziak hil egin nahi zuela uste zuen. Herriko plazan zegoela, ondoko herri bateko bi guardia zibil bertaratu ziren lehenengo, baina, azkenerako, gutxienez hamabi agente joan ziren.
Agerraldi psikotikoa zela-eta, izuak hartu zuen Diego. Ihes egiten saiatu zen polizia-lerroa gaindituta eta kalezulo batzuetara sartuta. Atzetik jarraitu zion Poliziak, eta ihesaldian hil zuen agenteetako batek: tirokatu egin zuen, gutxienez bi aldiz jota. Odolustuta hil zen Diego.
Agente hiltzaileak 25 urte zituen une horretan. Bere hitzetan, gainera joan zitzaion mutila eta bi labana zituen; horregatik egin omen zuen tiro bere kontra. Esan du gaztea hanketan tirokatu zuela berak, eta bertan zegoen sarjentuak airera jaurti zituela hainbat tiro. Gertakariak argitzeko epaiketa, baina, une honetan ari da izaten, eta lekuko batek gezurtatu egin du Poliziaren bertsioa.
Hiru edo lau agenteren tiroak
El Diario komunikabideak jaso duenez, astearte honetan deklaratu du Manzanares el Realgo bizilagun batek, lekuko modura: 2020ko irailaren 20an gertatutakoa ikusi zuen bere etxeko balkoitik. Baieztatu du guardia zibilak bizkarretik egin ziola tiro Diegori, eta ez Poliziari aurrez aurre oldartu zitzaiolako.
Testiguaren esanetan, korrika ihes egin nahian ari zen gaztea, eta orduan tirokatu zuen agenteak. "Mutilari ez zion geratzeko denborarik ere eman", azaldu du lekukoak. Ohartarazi du, gainera, hiru edo lau guardia zibilek egin zutela tiro Diegoren kontra. Txosten baten arabera, 1,5 eta 2,5 metro arteko distantziatik tirokatu zuten Diego, eta albo-ibilbide bat egin zuten tiroek.
Tirokatu ondoren, polizia-autoarekin harrapatuta
Hori gutxi balitz, testiguak jakinarazi du modu kriminalean jardun zuela Guardia Zibilak Diego zauriturik zegoenean: polizia-autoarekin hartu zuten azpian, ibilgailua bere gorputzaren zati baten gainean jarrita. Modu horretan ekidin omen zuten zaurituak alde egitea.
Odolusten ari zen gaztea, baina, hala ere, 10 minutu igaro arte ez zioten kotxea gainetik kendu, eta orduan hasi ziren poliziak bera artatzen. Lekukoak kontatu du, bestalde, guardia zibilek Diego iraindu zutela, lurrean zegoenean.
Diegoren senideek lau urteko espetxe-zigorra eskatzen dute hiltzailearentzat, zuhurtziagabekeriazko homizidioa leporatuta. Fiskaltzak are zigor eskaera txikiagoa egin du beretzat: isun bat eskatu du. Estatuaren abokatutzak, berriz, absoluzioa exijitu du.
Astigarragako erailketa
Aurtengo maiatzean, agerraldi psikotiko bat izan zuen pertsona bat hil zen Astigarragan (Gipuzkoa), Ertzaintzaren esku-hartze bortitz batean. Poliziaren kolpeak jasan zituen aurpegian, saihets-hezurrak hautsi zizkioten eta taser pistolek utzitako markak zituen, besteak beste. Ertzaintzak sinetsarazi nahi izan zuen hildakoak "bere buruari eragin" zizkiola lesioak.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.