Hezkuntza publikoko lehen greba egunaren “jarraipen zabala” nabarmendu dute sindikatuek
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena %48koa izan dela adierazi du.
Joan den ostiralean, Hezkuntza Sailak email masiboa bidali zien seme-alabak eskola publikoan dituzten gurasoei. Deituta dauden greba egunek gurasoengan sor dezaketen kezka ulertzen dutela eta hezitzaileen lan-baldintzak hobetzeko “ahalegin sendoa” egiten urteak daramatzatela dio Jaurlaritzaren gutunak: “Soldaten hobekuntza, uztartze-neurriak, ratioen eta eskola-orduen murrizketa eta langileen egonkortasun- eta gaztetze-planak dira akordio esanguratsuak lortzeko gure borondatearen erakusgarri”. Hezkuntza Sailaren hitzetan, “zaila da grebarako deialdia ulertzea negoziazioak zabalik dauden une honetan. Akordioak eskura daude”.
Halako gutun masiborik inoiz bidali gabea zen Hezkuntza Saila, eta erasotzat hartu dute LAB, Steilas, ELA eta CCOO mobilizazioen deitzaileek: “Propaganda egiteko, familiak irakasleon kontra jartzeko eta grebak baldintzatzeko” helburuz posta pertsonalak erabiltzea "oso larria" dela iritzi diote sindikatuek.
Negoziazioak zabalik egonda grebak deitzearen inguruan, sindikatuek erantzun diote Jaurlaritzarekin duten mahai negoziatzaileetan ez dagoela edukirik eta “negoziaketa itxura emateko eta bere burua justifikatzeko” baino ez dituela erabiltzen bilerak.
Hain justu, asteazken honetan Begoña Pedrosa Hezkuntza sailburuak Herri Irratian egin duen elkarrizketan berriz ere nabarmendu du ez duela egoki ikusten negoziazio betean sindikatuek grebak deitzea. Saila elkarrizketarako zabalik dagoela eta mahai gainean proposamenak daudela adierazi du.
Lan hitzarmenak eta baldintzak hobetzeko
Kontuak kontu, hamabi eguneko greba zikloari hasiera eman diote hezkuntza publikoan. Irakasleak daude deituta asteazken eta ostegunean, baita otsailaren 26-27an ere. Haurreskolak Partzuergoko langileak urtarrilaren 28-29an eta otsailaren 12-13an daude grebara deituta, eta sukalde eta garbiketakoak berriz, urtarrilaren 30-31 eta otsailaren 19-20an.
Lan hitzarmenak aspaldikoak direla eta akordioak berritu behar direla aldarrikatu dute langileek. Irakasleen lan hitzarmena 2010ekoa da eta gainerakoena 2009tik ez da eguneratu. Besteak beste, eskatzen dute arintzea lan zama eta gehiegizko burokratizazioa (artikulu honetan kontatu genuenez), lantaldeak gaztetzeko planak adostea, erosahalmena berreskuratzea, behin-behinekotasuna txikitu eta lanpostuak egonkortzea, baliabide gehiago jartzea (hala nola hezkuntza premia bereziak dituzten ikasleei erantzun ahal izateko) eta ratioak txikitzea.
Azpimarratzekoa da sukalde eta garbiketako langileen egoera. Baldintza prekarioenak eta soldata txikienak dituen sektore feminizatuena dela gogoratu dute sindikatuek: “Ezinbestekoa da ratioak jaistea eta garbitu beharreko metroak gutxiago izatea”.
Manifestazioak
Asteazken goiz honetan egin dute lehenengo manifestazioa, Bilbon. Milaka langile atera dira kalera, Lan baldintzak hobetu, hemen eta orain erabakita! lelopean. Ostegunean, EAEko hiru hiriburuetan ekin diete manifestazioei, 11:30ean: Gasteizen, Bilbo plazatik Foru enparantzara; Donostian, Bulebarretik hasi eta bertan bukatuko da; eta Bilbon, Gran Via 85etik Arriaga plazara.
Nafarroan ere, protestak
Foru erkidegoan ere ez da giro eta hezkuntza publikoko irakasleak grebara daude deituta, urtarrilaren 30ean. Hain justu, Steilas, ELA, LAB eta CCOO sindikatuek agerraldia egin dute asteazken goiz honetan, grebaren inguruan mintzatzeko. Nafarroako Gobernuko Hezkuntza Departamentuaren "jarrera itxia" salatu dute eta irakasleen lan baldintzak hobetzeko negoziaketak aldarrikatu dituzte, beste behin. Hezkuntza Departamentuak joan den azaroko akordioa ontzat ematen duela baina akordio hura "guztiz antidemokratikoa" dela kritikatu dute sindikatuek.
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
Kanbon egin duten urteko biltzar nagusian ontzat jo dute lizeo berriaren garapenari buruzko txostena. Donapaleuko ikastolaren ondoan egongo da, eta hasiera batean 180 ikasle hartu ahal izango ditu, Seaskako arduradunen arabera. Lizeo berriaz gain, urteko biltzarrean azken... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]