Amaitu da Gasteizko autobus zerbitzuko langileen greba mugagabea
Igande iluntzean bozkatu dute TUVISAko langileek udalaren azen eskaintza onartu edo ez. Eskaintza ez onartu eta grebari eustearen alde bozkatu du gehiengoak, baina, enpresa batzordearen lehendakariak azaldu duenez, “grebarekin jarraitzeko beharrezko portzentajera ez heltzean, greba uzteak irabazi du”.
113 langilek bozkatu dute eskaintza onartzearen alde, eta 152k, aldiz, ez onartu eta greban jarraitzearen alde, gasteizhoy-k argitaratu duenez. Hala eta guztiz ere, “grebarekin jarraitzeko beharrezko portzentajea” ez dute lortu grebaren aldekoek –ez dute zehaztu zein den portzentaje hori–, eta hortaz, enpresa batzordeak jakinarazi duenez, astelehenetik bertatik “normaltasunez” berrezarriko dute TUVISAren zerbitzua.
Positiboa, baina ez guztiz
“Greba-batzordeak enpresarekiko akordioa positibotzat jo du ia puntu guztietan, fitxaketaren gaian izan ezik”. Langileek hobekuntzak eskatzen zituzten beren lan baldintzetan zein zerbitzu publikoan. Salatu dute, besteak beste, autobus eskasia dagoela eta "zaharkituegiak" daudela, ibilbide batzuk osatzeko behar den denbora luzatu bada ere ez dela ratioetan aldaketarik egin, edo ez zaizkiela egiazki lan egiten dituzten ordu guztiak zenbatzen lanaldia kontatzeko orduan. Azken puntu hori da enpresa batzordeak negatiboki baloratu duen bakarra: “Fitxaketa faltsuan itxi da, baina gainerako puntuetan aurrerapen dezente lortu dira”.
Hilabetetako borroka
TUVISAko langileak hilabeteak eman dituzte borrokan, hainbat lanuzte eta mobilizazio egin dituzte, eta iragan astelehenetik greba mugagabean zeuden langileen %100aren babesarekin. Azken mobilizazioa larunbatean bertan egin dute, ehunka herrita batu zituen deialdian. TUVISAko enpresa batzordeak eskerrak eman dizkie gasteiztarrei erakutsitako babesagatik.
Hiru eguneko greba egin zuten ekainean eta enpresak ez ditu bete adierazitako konpromisoak. Horien artean zegoen udako oporren hutsuneak betetzea, CCOO sindikatuak azaldu duenez.
Sanferminak ate joka, Iruñeko eta Iruñerriko garraio publikoko autobus gidariek greba mugagabeari ekin diote asteazkenean. Lanuzteak jaietan izango duen eraginaren aurrean, Iruñerriko Mankomunitateak gutxieneko zerbitzuak ezarri ditu: Sanferminak hasi... [+]
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.
Asteartean eginiko bozketan, enpresako zuzendaritzak eginiko proposamenari uko egin eta grebari eustea erabaki dute Iruñeko garraio publikoko autobus gidariek. Iruñerriko Mankomunitateak sanferminetan %70ko gutxieneko zerbitzuak eskaintzea proposatu du.
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
ESK eta LAB sindikatuek jakinarazi dutenez, lorezainek greba egiteko duten zilegitasuna aldarrikatu nahi izan dute ekintza ikusgarri honen bitartez. PSE eta EAJren gobernu-taldea seinalatu dute erantzule nagusi gisa, "Green Capital markaren atzean hiriaren ikurra zaintzen... [+]
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.