Gose greba mugagabea hasi dute Amnistiaren Aldeko eta Errepresioaren Aurkako Mugimenduko hiru lagunek abuztuaren 15ean.
Horrekin batera beste hainbat ekimen ere iragarri ditu mugimenduak, Etxarri Aranatzen emandako prentsaurreko batean. Agerraldi horretan, dei egin diete “eragile eta norbanako orori” ekimen horretan bat egiteko.
Bost exigentzia
Presoen egoera “eraman duten militantzia politikoaren ondorioa” dela baieztatu ostean, Amnistiaren Aldeko eta Errepresioaren Aurkako Mugimenduak gogora ekarri ditu bere jardunean aldarrikatzen dituen bost neurri: larriki gaixo dauden presoen berehalako askatasuna, dispertsioaren amaiera, prebentziozko espetxeratze egoeran dauden preso politikoen behin behineko askatasuna, zigorraren bi heren bete dituzten presoen baldintzapeko askatasuna eta 40 urteko espetxe zigorra ezartzen duen legedia indargabetzea.
Prentsaurreko berean, Aitzol Gogortza presoari elkartasuna adierazi diote mugimenduko kideek.
Manifestazioa Donostian
Bestalde, abuztuaren 13an manifestazioa egin zuen Amnistiaren Aldeko Mugimenduak Donostian, Aste Nagusiarekin bat eginez. Bulebarretik abiatuta, martxa jendetsu batek hiriko erdialdeko kaleak zeharkatu zituen.
Zuloaga plazan amaitu zen manifestazioa eta bertan testu bat irakurri zen. Besteak beste, “zapalkuntzak dirauen bitartean” ezin dela normalizazio politiko-sozial bat eman baieztatu zuten, “Euskal Herri Langileak duela 50 urte hasiriko borroka bururaino” eramatea helburu jartzearekin batera.
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]