Gorrotoaren diskurtsoaren hazkundeaz ohartarazi dute Arrazakeriaren Aurkako Egunean
Arrazagatiko Bereizkeriaren Aurkako Nazioarteko Eguna izan zen asteartean. SOS Arrazakeriak ohartarazi du Europan, AEBetan eta beste herrialde ugaritan “neurriz kanpo” ugaritu direla “gorrotoa bultzatzen duten diskurtsoa erabiltzen duten politikariak”. Hori salatzeko Euskal Herrian hainbat mobilizazio egin dituzte egunotan.
Mikel Mazkiaran SOS Arrazakeriaren idazkari orokorrak salatu du diskurtso horien ondorioz biztanleriaren zati esanguratsu batek bazterkeria sufritzen duela bere eguneroko bizitzan.
Intolerantziari aurre egiteko neurri zehatzak eskatu ditu SOS Arrazakeriak ohar baten bidez: Poliziak profil etnikoagatik egiten dituen identifikazioak amaitzea, bereizketaren kontrako lege integrala, biktimak babesteko legea eta gorrotoa bultzatzen duen diskurtsoaren kontrako estatu ituna.
Adierazpen horiekin batera, bazterkeria salatu eta irtenbideak eskatzeko mobilizazio ugari egin dituzte Euskal Herrian. Igandean 800 bat lagunek manifestazioa egin zuten Trintxerpetik Donostiara Arrazakeriaren Kontrako XXI. Martxan. 57 gizarte eragilek baino gehiagok babestu zuten martxa 'Soluzioak: asilo eskubidea eta harrera eraginkorra' lelopean. Aldarrikatu zuten Europako Batasunak badituela tresna materialak eta teknikoak errefuxiatu gehiago eta baldintza hobeetan hartzeko, baina horretarako beste politika bat beharrezkoa dela.
Asteartean Bilbon egin zuten manifestazioa mila bat inguruk Arriaga plazatik Moyua plazaraino. “Arrazismo eta bazterketarik ez, eskubide guztiak denontzat” leloa zeraman pankarta eraman zuten.
Errefuxiatuen aldeko jardunaldiak Gernikan
Gernikan, berriz, errefuxiatuen aldeko Euskal Herriko plataformek Ongi Etorri Gernika 2017 jardunaldiak egingo dituzte apirilaren 29 eta 30ean. Oroimen historikoari —apirilaren 26an da bonbardaketaren urteurrena— eta errefuxiatuen egoerari buruz ariko dira hitzaldi, mahai inguru eta beste hainbat ekitalditan
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Inor ez da ilegala. Pertsona guztiontzat eskubide guztiak lelopean manifestazioa egin zuten otsailaren 2an. Protesta Bulebarretik abiatu zuten, 12:00etan eta Erdialdeko kaleetatik barrena jarritu zuten. Migratzaileen eskubideen defentsan lanean ari diren Donostiako eta Donostialdeko hogeita hamar bat eragilek bat egin zuten deialdiarekin, eta administrazioek migratzaileei “harrera duin bat eskaintzeko” eta “pertsona gisa dagozkien eskubideak errespetatzeko” ardura har... [+]
26 larunbata, Irungo Ficoba eraikin paretik aterako da manifestazioa eta Hendaiako erretentzio zentroko komisaldegi aurrera joango da. Irungo udaletxe aurrean amaituko da manifestazioa.
Eta bai, aurten ere Xiberoan maskaraden itzulia abiatu da berriz, eta igandero Urdiñarbeko Xorrotxek Buhame taldea hola aurkeztuko dute kantuz: "Buhame debrü horik lanik egin gabe, arraza debrü hori bizi dirade. Aberatsik horregatik ez da nihur ere, aldiz sortüak oro ohoinak dirade".
Gasteizko autobus batean, astegun buruzurian eta egun argiz, eraso arrazista bat. Tolestu gabeko patinete baten aitzakian, autobus gidaria jatorri atzerritarreko emakume bati oldartu zitzaion. Txoferrak ez ezik, hainbat bidaiarik ere hitzez eraso egin zioten: “Hona zatozte eta dena kentzen diguzue” edo “emakumea zarelako, bestela egurtuko zintuzkedan” bezalako esaldietatik hasi, eta “militarra naiz, hogei urte daramatzat zu bezalako jendea akabatzen”... [+]
Arrazakeriaren aurkako Gasteizko Plataformak deia egin du asteazkenean, 19:00etan, Andre Maria Zuriaren plazan biltzeko.
Bidaiari batek bota zituen mehatxu arrazistak "onartezinak" direla esan du Gasteizko alkateak.
Erasoa Borinbizkarra eta Salburua auzoak batzen dituen 7. lineako autobus batean gertatu da. Gidariak hasitako erasoa hauspotu dute hainbat bidaiarik, emakumea eta honen alabak kanporatzeraino.
Andoaingo Udalak komunikatua atera du urtarrilaren 5eko Erregeen kabalgatako polemikaren harira. “Hankasartze batek pentsatzen ez genuen oihartzuna izan du”, adierazi dute.
Irakurri duzue, baina ba al dakizue zer esan nahi duten hitz horiek? Romani hizkuntzan, kamipnasqo mestipen esaten zaio maitatzeko askatasunari. Eta askatasun grina hori du gure gaurko protagonista Silvia Agüerok sare sozialetan ikur. Zer maitatu nahi du aske, ordea? Hasteko, bere herria, ijitoen herria. Garbi azaldu du, ijito nazionalista dela “egunero-egunero”. Etenik gabeko aldarrikapena.
Lau emakumek Antonio Mato enpresariaren kontra jarritako salaketa artxibatu du auzitegiak. Erabakiak haserrea eragin du, eta Hego Euskal Herriko hiriburuetan mobilizazioak deitu dira.
