Goizaldeko ordutegian on-line jokoaren publizitatea mugatu nahi du Espainiako Gobernuak
Espainiako Kontsumo Ministerioa errege-dekretu bat prestatzen ari da, goizaldeko 1:00ak eta 5:00ak bitartean irrati eta telebistek emititzen dituzten on-line joko eta apustuen iragarkiak mugatzeko helburuarekin, El País-ek jaso duenez. Irratiaren sektoreko patronalak "neurriz kanpokoa" dela adierazi du; eta telebistarenak, neurri "gogorra" dela.
Alberto Garzon ministroak hainbat bilera egingo du asteotan sektoreko eragileekin, Joko Arduratsuaren Kontseilu Aholkulariarekin (CAJR) eta hedabideetako ordezkariekin besteak beste, ahalik eta adostasun zabalena lortzeko. Prestatzen ari diren errege-dekretua, on-line jokoa arautuko duen dekretu zabalago baten adarretako bat da. Datozen asteetan ezagutuko dira datu gehiago. Mahai gainean daude, esaterako, jokoaren sektoreko enpresek webguneetan paratzen duten publizitatea, futbol taldeen eta kirol ekitaldien babesletzak, apustu etxeen ordutegiak mugatzea eta abar.
AERC Espainiako irrati-difusio komertzialaren elkarteko "iturrien" iritziz, "neurriz kanpoko" erabakia da, irrati entzuleen batez besteko adina 52 urtekoa delako, eta adin txikikoen %2k baino gutxiagok entzuten dutelako. Hain justu, gazteak babestea du helburu Gobernuaren dekretuak, ludopatiaren aurka lanean dihartuten elkarteetako eta beste zenbait gizarte eragileren eskaerari erantzunez.
Zentzu berean mintzatu da UTECA irekian emititzen duten telebista komertzialen elkartea: "Neurri oso gogorra da, ez du ezertarako balio, ez du helburua lortuko. Bitarteko urratsak eman behako lirateke. Auto-erregulazio mekanismoak txertatzen ari gara: babes bereziko umeentzako ordutegia daukagu, joko arduratsuaren aldeko mezuak halerazten ditugu, 18 urtez beherakoek jokatzea debekaturik daukatela gogorarazten dugu, eta apustu etxeen iragarkietako protagonistak 25 urtetik gorako pertsonak izan behar dira".
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.