ARGIA.eus

2020ko ekainaren 01a

Gizonezko bat atxilotu dute Laudion indarkeria matxista egotzita

  • Larunbatean 15:45 aldera atxilotu du Ertzaintzak gizonezko gaztea, emakumeak salatu ostean. Igandean 12:00etan mobilizaziora deitu du Laudioko Mugimendu Feministak, Alberto Acero plazan.

Aiaraldea @aiaraldea  |  Izar Mendiguren Cosgaya
2020ko maiatzaren 17a
Albiste hau Aiaraldeak argitaratu du eta Creative Commons BY-SA 3.0 lizentziari esker ekarri dugu.
Apirilean Laudioko eraso matxista salatzeko Mugimendu Feministak egindako ekimenetako bat. Argazkia: Aiaraldea.eus

Indarkeria matxista leporatuta gizonezko gazte bat atxilotu du larunbat arratsaldeko lehen orduan Ertzaintzak. Poliziak berak baieztatu egin du atxiloketa, eta erasotuak jarri du salaketa, prentsa bulegoak zehaztu duenez. 

Lekukoek Aiaraldea Komunikabideari jakinarazi diotenez, 15:30 aldera bertaratu da Polizia etxebizitzara. Bizilagunek iskanbila entzun dute atarian, segurtasun indarrak agertu baino ordu erdi lehenago. Akusatuarekin hitz egin eta gero,  gizonezkoa atxilotuta eraman dute.

Bihar elkarretaratzea

Mugimendu Feministak mobilizazioa deitu du iganderako, erasoa salatu eta emakumeari babesa adierazteko. 12:00etan izango da ekimena Laudioko Alberto Acero plazan. Sare sozialetan zabaldu dute deialdia, eta segurtasun neurriak beteko dituztela ohartarazi dute.

Laudion konfinamenduan jazotako bigarren erasoa izan da, apirilean beste kasu bat egon baitzen. Aiaraldeko Mugimendu Feministak eskualdeko mobilizazioa egin zuen orduan:

Albiste hau Aiaraldeak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Indarkeria matxista  |  Feminismoa  |  Laudio

Indarkeria matxista kanaletik interesatuko zaizu...

Azkenak
EGILEAK
Argia buletina
Egunaren laburpena
zure e-postan
Eguneraketa berriak daude