Gizon erromani bat hil du txekiar Poliziak, hainbat minutuz lepoa belaunarekin zapaldu ondoren
Agenteek diote ez dela gehiegikeria polizialik egon, biktima droga gaindosi baten ondorioz hil dela. Txekiako erromanien komunitateak eta nazioarteko hainbat eragilek gertatutakoa ikertzeko eskatu dute.
Txekiar Errepublikan gizon erromani bat hil du Poliziak, atxilotzerakoan hainbat minutuz belaunarekin lepoa zapalduta eduki eta gero. Hedabideen arabera, Stanislav Tomáš izeneko gizona da hildakoa. Teplicen jazo da gertakaria, eta sare sozialetan zabaldutako bideo baten harira izan da haren berri. Segurtasun indarrek adierazi dute gizonezkoa atxilotzeko erabili duten indarra ez dela gehiegizkoa izan, eta heriotza ez dutela haiek eragin, droga gaindosi batek baizik. Txekian Poliziak ijito edo erromani bat hiltzen duen bigarren aldia da, eta AEBetan 2020an hil zuten George Floyden kasua dakar gogora.
Gertatutakoaren bideoa ekainaren 21ean zabaldu da sare sozialetan. Bertan, hiru polizia agente agertzen dira, gizonezko bat atxilotzeko ahaleginetan: bata hanketatik eusten ari zaio, beste bat eskuburdinak jartzen saiatzen ari da, eta azkenak lepoaren gainean jartzen dio belauna. Stanislav Tomáš lurraren kontra etzanda daukate, eta arnasteko zailtasunak ditu. Hainbat minutuz daukate horrela; azkenean, anbulantziari deitzen diote, baina osasun langileek ezin dute ezer egin Tomáši laguntzeko.
Prokop Voleník Ústecký-ko larrialdi zerbitzuetako bozeramailearen arabera, Poliziak drogen eraginpean zeuden bi gizonezko eragiten ari ziren istiluengatik deitu zien. Veronika Hyšplerová Poliziaren bozeramaileak Blesk.cz agerkari digitalari adierazi dion moduan, patruila liskarraren tokira heldu zenean, bi gizonetako batek alde egitea lortu zuen, eta bestea -Stanislav Tomáš- atxilotzen saiatu ziren agenteak.
Erabilitako indarra beharrezkoa izan zela adierazi dute segurtasun indarrek: gizonezkoa biolentzia erabiltzen ari zela esan dute, eta kalean zeuden auto batzuen kontra bere burua kolpatzen zebilela heldu zirenean. Anbulantzian egindako aurretiazko autopsiaren arabera, Tomáš “arteria koronarioen aldaketa patologiko” baten eraginez hil zela baieztatu dute. Poliziak nabarmendu du anfetaminaren ondorioz gertatu zela hori.
Andrej Babiš txekiar lehen ministroak eta Jan Hamácek barne ministroak Facebook eta Twitter bidez eskertu dute agenteek egindako lana, eta heriotzean izan duten esku-hartzea ahobatez ezeztatu dute. Erromanien gutxiengoari dagokion Gobernu Kontseiluak bi agintarien jarrera kritikatu du, eta jazotakoaren ikerketa paralelo bat egiteko eskaria zabaldu du, Amnesty International eta Europako Kontseiluarekin batera.
Antzeko hainbat kasu
Brave New Europe hedabidearen arabera, 2016. urtean, Miroslav Demeter izeneko gizon erromani bat hil zen txekiar Poliziaren eskuetan. Žatec herriko jatetxe batean gertatu zen, eta orduan ere jazotakoaren bideo bat zabaldu zen sare sozialetan. Bertan ikusten zen agenteek gizonezkoa lurrean botata zutela, eta belaunarekin lepoa zapaltzen ari zirela. Ikerketa egin ondoren, Poliziak 2017. urtean azaldu zuen Demeter droga gaindosi batengatik hil zela.
AEBetan ere antzeko kasu bat egon zen 2020. urtean. Polizia agente batek George Floyd afroamerikarra hil zuen hainbat minutuz bere lepoa zapalduta eduki ondoren. Ekainaren 21ean Tomášekin gertatutakoak kasu honekin duen antzekotasunagatik lotura zuzena egin dute askok sare sozialetan, txekiar Poliziak akusazioak ezeztatu dituen arren.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.