Ostiral goizeko 11:30etan gertatu da erasoa. Erasotzaileak bere bikotekide ohiari eraso egin eta unean bertan hil du. Beste emakumeari, hildakoaren ama, zauri larriak eragin dizkio. Erietxera eraman badute ere, handik gutxira hil egin da.

Erasotzailea etxean gorde da eta Ertzaintza bertaratu denean etxeari su eman eta leihotik salto egin du. Orduan atxilotu dute eta zaurituta eraman dute ospitalera.

Gasteizko Mugimendu Feministak erasoen aurkako mundu martxako protokoloa aktibatu dute eta mobilizazioak antolatuko dituzte datozen orduetan. Hala Bediri helarazi dionez, larunbatean, apirilaren 21ean, manifestazioa egingo dute Gasteizen.