19 eguneko grebaren ostean, Gipuzkoako ehungintzako langileek lortu dituzte eskari gehienak hitzarmenean
Hemeretzi eguneko grebaren ostean, Gipuzkoako ehungintza sektorean hitzarmena sinatu dute gehiengoa duen ELA sindikatuak eta patronalak. Besteak beste, erosahalmena berreskuratzeko soldata igoera eta lan ordutegian langileen kontziliazioa bermatzeko neurriak adostu dituzte.
Aurretik hainbat lanuzte eginak bazituzten ere, abenduaren 28tik etengabeko greba ziren Gipuzkoako arropa denda handietako langileak, euren lan eskubideen defentsan eta baldintzak hobetzeko. Eskakizun nagusienak asetzeko moduko hitzarmena sinatu dute asteazken honetan, goizean patronalarekin egindako bileraren ostean, ELA sindikatuak jakitera eman duenez.
Soldata 2009tik izoztuta zutela-eta atera dira kalera, baita behin-behinekontasunak sorturiko "desorekei" konponbidea emateko ere. Hitzarmen "historikoa" dela esan du ELAk, izan ere, 2010etik 2025 urte bitarteko inflazioaren batura kontuan hartuz eguneratuko dute soldata (%14,1) eta datozen hiru urteetako soldatak KPIaren arabera igoko dituzte, igoera horri beste %1,4 gehituz.
Gainera, lan ordutegian hobekuntzak ekarriko dituen arautzea adostu dute Adegi eta Gipuzkoako Merkatarien Elkartearekin, langileen kontziliazioa erraztu aldera. Esaterako, astelehenetik larunbatera bitarteko lan banaketa zehaztu da eta igandeak eta jai egunak atseden eguna izango direla bermatzen du hitzarmenak.
Bestalde, orduak kontsolidatzeko klausula bat gehitu zaio agiriari: "Horrela, sektoreak bizi duen gehiegizko partzialtasuna konponduko da", azaldu du sindikatuak. Eta on-line ari diren saltzaileei ere, plataforma digitaletan ari direnei alegia, eskubide berak emango zaizkie.
Gipuzkoako ehungintza sektorean 2.700 lagun ari dira lanean. Hala ere, Euskal Herrian ez dira negu honetan borroka bideak ireki dituzten bakarrak. Nafarroan, Cordovillako La Morea merkatal zentroko H&M saltokiko langileak ere greban daude abenduaren 9az geroztik arrazoi berengatik.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.