Gerra zibileko grafitiak: errepublikarren lekuko isilak Zigoitiko gotorlekuetan

  • EHUko arkeologoak 1937an Zigoitia eta Legutio artean eraikitako gotorlekuak ikertzen ari dira. Besteak beste, errepublikarrek egindako grafitiak kontserbatzen ditu inguruneak oroimenerako.

Artikulu hau CC BY-SA 3.0 lizentziari esker ekarri dugu.

2017ko maiatzaren 04an - 17:20

Zigoitia aldean Espainiako gerran eraikitako bi gotorleku errepublikano  induskatzen dabiltza egunotan EHUko arkeologoak. Asteartean hasi ziren Legutioko Ollerieta auzo eta Zigoitiko Etxaguen herrien artean dagoen Ketura izeneko ingurunean lan egiten, eta aurreikuspenen arabera, hilaren 14ra arte luzatuko dira lanak.

Porlanaz eraikitako bi gotorleku karratu dira Josu Santamariak eta Xurxo Ayanek gidatutako zortzi ikerlarien taldea aztertzen dabiltzanak; garai hartako grafitiak kontserbatzen dituzte bi forteek. Besteak beste, eraikinen eraikitze data (1937ko martxoaren 10a), bertan aterpe hartu zuen destakamentu militarraren izena (Batallon Madrid)  eta Pablo Mendieta edo Fidel Fernandez bezalako izen propioak agertzen dira. Mailua eta igitaia komunista ere ikusgai daude, Francoren erregimenak hamarkada luzez isilpean mantendu bazituen ere.

Esan bezala, ikertaldeak defentsa sistema historiko horren lan integrala egingo du egunotan, gerra-posizio horien analisia eta dokumentazioa osatuz. Horrez gain, beharrezkoak diren sendotze eta egokitze-lanak egingo dira, publikoki bisitagarriak izan daitezen.

 

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Oroimen historikoa
Nafarroako Gobernuak 2005-2011 aldian torturatutako herritarrak onartu ditu biktima gisa

Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]


Frankistek fusilatutako Modesto Manuel Azkona Garaicoechea Arabako Diputatu eta Saratxoko bizilagunaren gorpua identifikatu dute

Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.


Eguneraketa berriak daude