Gazarako Martxan parte hartu behar zuten herritarrak atxilotu dituzte, eta dozenaka deportatu
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Gazara iritsi nahi duen mundu martxa lehen oztopoak izaten ari da hasi aurretik, Kairon bertan. Antolakuntzak azaldu duenez Aljeria, Tunez, Alemania, Maroko, Australia, Frantzia, Turkia eta beste hainbat herrialdetako kideak atxilotu ditu jadanik poliziak, batzuk hoteletan, beste batzuk aireportura iritsi orduko. ARGIAk jakin duenez, tartean hainbat euskaldun daude.
Azken informazioen arabera, 13:00etarako bi euskal herritar behintzat askatu dituzte, eta Kairora bueltatzeko baimena eman. Askatu berritan, ARGIAri adierazi diote haiek ondo daudela baina Poliziaren tratua txarra izan dela eta atxilotu batzuen aurkako "jipoi handiak" ikusi dituztela. Beste euskal herritar bat gutxienez deportatu egin dute, 11:00ak aldera. Beste herrialdeetako militanteekin neurri ezberdinak hartu dituzte, batzuk, esaterako, Turkiara kanporatu dituzte, dozenaka dira deportatutakoak: aljeriarrak, marokiarrak, alemaniarrak, belgiarrak, norvegiarrak...
Antolatzaileek Egiptoko agintariei eskatu diete atxilotuak lehenbailehen askatzeko, nazioarteko ekimenak Gazako blokeoa hautsi eta han bizi duten "krisi humanitarioa" amaitzea bilatzen duelako: "Horrek bat egiten du Egiptok sarritan adierazi izan duenarekin" dio antolakuntzak urgentziazko komunikatu batean. "Mugimendu global baketsu hau babesteak bere posizioa indartuko luke, korridore humanitario bat sortzeko aktore giltzarri bezala".
Antolatzaileek Egiptoko agintariei eskatu diete atxilotuak lehenbailehen askatzeko, nazioarteko ekimenak Gazako blokeoa hautsi eta han bizi duten "krisi humanitarioa" amaitzea bilatzen duelako
EFE agentziari Egiptoko segurtasun nazionaleko kide batek esandakoaren arabera, baina, Egiptok martxa hori eragozteko asmoa dauka. Herrialdera iristen diren autobusei ez diete muga igarotzen utziko, eta turismo enpresei ere ohartarazi diete parte hartzaileeak haien artean nahasi ez daitezen. Gainera, iturri horren arabera, "aktibisten edo konboietako kideen elkarretaratzeak" debekatzeko agindua jaso dute.
Gazarako Martxarekin Israel Gazan egiten ari den genozidioa salatu eta korridore humanitario bat sortzea dute helburu parte hartzaileek. 82 herrialdetako 3.000 lagun baino gehiago daude ekimenean izena emanda, eta horietatik 30-35 inguru euskal herritarrak dira. Ekainaren 12an hastekoa zen martxa Kairotik, gero Egiptoko Al Arish hiritik Sinaiko penintsula gurutzatu eta Gazako Rafahko mugaraino iristeko.
Gaza Humanitarian Foundationen elikagai banaketa erabiltzen ari dira palestinarrak hiltzeko. Oraingoan, ur horniketa suntsitzeaz gain, hamar pertsona, haien artean sei adin txikiko, hil ditu Israelek Nuseirat kanpamentuan, Gaza hegoaldean.
-_-X.png)
Israelek maiatzean Conscience itsasontzia bonbardatu eta ekainean Madleen itsasontzia bahitu ostean, nazioarteko ekimena berriz saiatuko da laguntza humanitarioa Gazara sartzen. "Erronka hau Gazako umeengatik da", adierazi du Askatasunaren Ontzidiak Siziliatik (Italia)... [+]
AEBek Francesca Albanese NBEk Palestinar Lurraldeetan duen errelatore berezia zigortu dute genozidioari buruzko txostena argitaratu eta egun gutxira. Albanesek sare sozialetan azaldu duenez, “boteregabeen alde hitz egiten dutenak boteretsuek zigortzea ez da indar... [+]
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
Ondasunak blokeatu eta trantsakzio ekonomikoak egitea debekatu dio Washingtonek Frances Albanese NBEk Palestinar Lurraldeetan duen errelatore bereziari. Nazioarteko Zigor Auzitegian "Israel eta AEBetako herritarrak ikertzeko ekimenetan zuzenean kolaboratzea" leporatu... [+]
Ikerketaren arabera, gutxienez 75.200 lagun hil zituen Tsahal armada sionistak 2023ko urriaren 7az geroztik eta 2025eko urtarrilaren 5a bitartean: tokiko agintariek epe berean zenbatutako 46.000 hildakoak baino %40 gehiago. Horrez gain, une berean, 8.540 lirateke gosez, hotzez... [+]
Azken 24 orduetan Trumpekin bigarren aldiz bildu da Netanyahu, eta Etxe Zuriko maizterraren bulegoan ordubete inguruko solasaldia izan dute. Ondoren kazetariei eginiko adierazpenetan, Israelgo lehen ministroak adierazi du Gazan duten "kanpaina militarra" ez dela... [+]
Lau astetan 550 hildako eta 4.000 kolpatu egon dira GHF fundazioaren banaketetan. Jakiaz gain, tiroak ere banatzen dabiltzalako sionistak. 170 GKEk dute egitura horren desagerpena galdatzen. Baina Israelek beregain nahi du laguntzaren saila ere –finean, gosetearena... [+]
Israelgo Defentsa ministro Israel Katzek eman du asmoaren berri, eta adierazi du Gaza hegoaldean eraiki nahi duten "eremu humanitario" berri horrek hasiera batean 600.000 palestinar inguru hartuko lituzkeela; kontzentrazio esparru gisa funtzionatuko luke. Gaza... [+]
Hamasek jakinarazi du Palestinako erresistentziako beste taldeekin hitz egin duela AEBek, Egiptok eta Qatarrek proposaturiko meniaz, eta "pozik" hartu dutela. 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar askatzea,... [+]
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
AEBek eta Israelek kudeaturiko erakundeak ez du Suitzako ordezkaririk ezta helbiderik bertan eta horregatik abiatu du egitura desegiteko bidea Suitzako Zaintza Agintaritza Federalak. Gazarako Israelek kontrolaturiko "laguntza" bideratzen dabil GHF fundazioa, soilik lau... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize, eta horien arduradunak eta goi karguak ikertzeko eskatu du.
AEBetako presidenteak adierazi du orain Hamasen erantzunaren zain daudela: "Ez badute onartzen, egoerak okerrera egingo du". 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar itzultzea, eta beste hamabosten gorpuak ere... [+]