Israelgo portu batera heldu da Askatasunaren Ontzidia, eta aktibistak deportatzen hasi dira
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura, droneekin inguratu eta soldaduak itsasontzira igo ondoren. Manifestazioa egin dute Baionan, atxilotutako aktibistak "berehala" askatzea exijitzeko.
Askatasunaren Ontzidia ekimenaren Madleen itsasontzia bahitu zuen Israelgo armadak astelehen goizaldean nazioarteko uretan zela, Gazako kostaldetik 150 kilometro ingurura. Zerrendara laguntza humanitarioa heltzea eta Israelek ezarritako blokeoa amaitzea xede zuten itsasontzian zihoazen hamabi ekintzaileek, tartean zeuden Rima Hassan LFI Frantzia Intsumisoa alderdiko europarlamentaria eta Greta Thunberg aktibista ezaguna. Israelgo soldaduek bahitu ondoren, herrialde horretako Ashdodeko portura heldu da itsasontzia, Euskal Herrian 20:00ak inguru zirenean.
Israelgo Atzerri Ministerioak jakinarazi du Thunberg jada Suedia bidean dela. Ekintzaileak ordezkatzen dituen Adalah erakundearen arabera, ekintzaile suediarrak beste hiruk sinatu dituzte deportazio dokumentuak. Beste zortzi aktibistek, ordea, uko egin diote dokumentu horiek sinatzeari, eta epaile batek eman beharko du haiek deportatzeko agin du. Adalahk jakinarazi du gehienez bi astez eduki ditzaketela atxilo.
Maiatzaren hasieran Israelek droneekin eraso egin zion Conscience itsasontziari, bertan mundu osoko 50 aktibista –tartean Mikel Zuluaga Mikelon euskal herritarra– zihoazela. Madleen itsasontzia Askatasunaren Ontzidiak aurten Gazara laguntza humanitarioa heltzeko eginiko bigarren saiakera da. Duela astebete abiatu zen itsasontzia Siziliatik (Italia), eta Israelgo armadak droneekin inguratu eta soldaduak bertara igo ostean amaitu da haren ibilbidea. Egun gutxi barru, ordea, Gaza eta Egipto arteko Rafahko pasabidera lurrez heltzeko nazioarteko martxa hasiko da. Ostiralean abiatuko da eta 80 herrialdeetako gutxienez 3.000 lagunek hartuko dute parte ekimen horretan, tartean 30 euskal herritar inguruk.
Manifestazioa egin dute Baionan
Baionako kaleak Palestinako banderez bete dituzte astelehen arratsaldean, atxilotutako ekintzaileak askatzea exijitzeko Herriko Etxetik abiatutako manifestazioan. Bahiketa "ilegala" izan dela gaitzetsi dute bertan bildutakoek, eta Israel Gazako palestinarren aurka egiten ari den genozidioa ere salatu dute.
"Israelgo soldaduek bizirik errematatu zituzten hainbat mediku"
Israelek Rafah hiritik gertu eginiko beste sarraski bat atera zen argitara martxoaren amaieran: hainbat langile humanitario eta mediku zihoazen ibilgailuei eraso egin zien Israelgo armadak, tartean UNRWA Nazio Batuen Palestinar Iheslarientzako Laguntza eta Lan Bulegoko eta Palestinako Ilargi Gorria larrialdi zerbitzuetako kideak. Hamabost lagunen gorpuak aurkitu zituzten Rafah hiriko hobi komun batean. Eraso horretatik bizirik ateratzea lortu zuen kide baten lekukotasuna argitaratu du berriki Ilargi Gorriak.
Asaad al Nasasra espedizioaren parte ziren bi anbulantzietako bat gidatzen ari zen Israelgo armadak eraso egin zien unean. Nasasrak adierazi du eraso horretatik bizirik ateratzea lortu zuten hainbat lagun "bizirik errematatu" zituztela soldaduek, eurei laguntza eske ari baziren ere. Gainera, Ilargi Gorriko kideak salatu du erasoaren ondoren 37 egunez atxilo eduki zuela Israelgo armadak, eta epe horretan torturak jasan zituela.
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Israelek 33 palestinar hil ditu Gazan igandetik astelehenera bitartean, horietatik sei janari bila zihoazela. Israelgo armadak jakinarazi du Gazan bahituta zituzten hiru israeldarren gorpuak berreskuratu dituela. Bestetik, Mahmud Khali AEBetako Columbia Unibertsitateko ikaslea... [+]
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
3.000 zauritu ere utzi dituzte Israelgo armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.