Gazako su etena kinka larrian, Israelek 620 preso palestinarren askatasuna gerarazi ostean
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako palestinarrak euren bizilekuetara ez itzultzeko. Gazako su-eten akordioaren barruan, larunbatean 620 preso askatu behar zituen Israelek, baina ez du egin.
Urtarrilaren 20an, Hamasekin Gazarako su etena sinatu eta hiru egunera, Israelgo armadak Zisjordania iparraldearen aurkako erasoaldia abiatu zuen: Jenin hiriaren aurka oldartu zen lehen une batean, baina ondoren Tulkaremera edota Nur Shams errefuxiatu gunera zabaldu ditu erasoak. Israelek ehunka soldadu eta tanke ugari bideratu ditu –2002tik lehen aldiz– operazio militar horretara, eta ondorioz milaka palestinar euren bizilekuetatik alde egitera behartu ditu.
Israel Katz Defentsa ministroak igandean adierazi zuen Israelgo armadak eraso egin dien errefuxiatu guneetan hurrengo urtera arte egoteko asmoa duela: "Soldaduei agindu diet hurrengo urterako kanpalekuetan luzaroan egoteko prestatzeko, bizilagunen [palestinarren] itzulera eta terrorismoaren berpiztea eragozteko".
Azken egunetan nabarmen hazi bada ere, Zisjordaniaren aurkako Israelen oldarraldia erresistentzia palestinarraren 2023ko urriaren 7ko erasoaz geroztik sendotu da: 800 palestinar baino hil dituzte soldadu israeldarrek nahiz bertako kolonoek, eta Peace Now gobernuz kanpoko erakundeak 2024ko uztailean argitaratutako datuen arabera, Palestinako 2.400 lur hektarearen jabetza aldarrikatu du Israelek.
Israelek ez ditu 600 atxilotu palestinar askatu larunbateko preso trukean
Su-eten akordioan adostutakoa betez, larunbatean Hamasek sei gatibu israeldar askatu zituen; Israelek, ordea, ez zuen berdina egin, eta ez zituen 600 preso palestinar aske utzi. Al Jazeera hedabideari eginiko adierazpenetan, Basem Naim Hamaseko kideak menia behin eta berriz urratzea leporatu dio Benjamin Netanyahu Israelgo lehen ministroari, eta iragarri du Hamasek su etena baliogabetuko duela Israelek larunbatean askatu behar zituen preso palestinarrak aske utzi arte.
"Su etenaren urraketa ugari egin ditu [Israelek]: 100 palestinar baino gehiago hil ditu bonbardaketetan, palestinarren oinarrizko laguntza gehienak Gazan sartzea eragotzi du, eta, azkenik, uko egin dio gutxienez 600 preso palestinar askatzeri", adierazi du Naimek.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.