ARGIA.eus

2022ko maiatzaren 19a

Gaur espainiaratuko dute Iratxe Sorzabal, Espainiako Auzitegi Nazionalean epaitua izateko

  • Behin-behinean espainiaratuko dute, Espainiako Auzitegi Nazionalean epaitua izateko. Sorzabal Espainian espetxeratua den artean, hainbat mobilizazio egingo dituzte Irunen.

Iratxe Sorzabalen egoeraren aurrean egindako elkarretaratze bat (Argazkia: Bidasoko Hitza)
ARGIA @argia
2022ko urtarrilaren 14a

Otsailaren 7an eta 8an epaituko dute Espainiako Auzitegi Nazionalean Iratxe Sorzabal euskal presoa, 1996an ETAk Gijonen (Asturias) egindako atentatu batean parte hartzea leporatzen baitiote. Epaiketa horren harira, urriaren 14an behin-behinean espainiaratuko dute, epaiketa amaitutzat emandakoan berriz Reauko espetxera (Frantzia) itzultzeko. Bertan ari da betetzen kondena, Euskal Herritik 925 kilometrora.

Hamaika euroagindu eskaera egin ditu Espainiak Sorzabalen aurka; horietako hiru onartu ditu Frantziako Justiziak, zazpi kasutan informazio gehigarria eskatu die espainiar epaileei, eta atzera bota du euroaginduetako bat. Azken hori, 2020ko abenduan errefusatu zuten, 2001ean Guardia Zibilak atxilotu zuenean jasandako tortura salaketei sinesgarritasuna eman ondotik.

Mobilizazioak

Irungoa izaki, Sorzabalen herrikideek elkarretaratzea deitu dute ostiralean Irunen, "Salbuespenezko epaiketarik ez! Torturarik ez!" lelopean. Mobilizazioa San Juan plazan egingo da, 19:00etan.

Horrez gain, urtarrilaren 21ean Bi arnas dokumenta proiektua aurkeztuko dute, Sorzabalek eta haren ama Nieves Diazek sufrituriko arnas falta islatu nahi duena.

Epaiketaren ataritan, aldiz, manifestazioa deitu dute. Otsailaren 5ean egingo da, 18:00etan, Irungo San Juan plazatik abiatuta.

 


Euskal preso politikoak kanaletik interesatuko zaizu...
2022-05-19 | ARGIA
Jakes Esnalen etxeratzearen alde mobilizatuko dira maiatzaren 19 honetan

Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.


2022-05-13 | ARGIA
Juan Carlos Iglesias Chouzas absolbitu dute Estrasburgoko doktrinan oinarrituta

Epaiaren esanetan, atxilotu zuteneko inkomunikazio garaian ez zuen izan bere konfiantzazko abokatua izendatzeko eskubiderik eta, ondorioz, magistratuek presoa absolbitu egin dute. Beste auzi batzuengatik espetxean jarraitu beharko du oraindik Iglesiasek.


2022-05-13 | ARGIA
32 urte ondoren, prokuradorearentzat "goiz" da Ion Parot askatzeko

Ostiral honetan Ion Paroten alde galdetutako 6. baldintzapeko askatasun eskaera aztertu du Terrorismoaren Aurkako Parisko auzitegiak eta, espero bezala, prokuradorea kontra agertu da, bere ustez presoa ateratzeko goiz delako.


Su Ta Gar, Belako, Porrotx, Maialen Lujanbio eta Amets Arzallus izango dira Illunben, 'Izan Bidea' jaialdian

Urriaren 8an izango da jaialdia Illunben, manifestazio eta ekitaldi politiko baten ostean.


2022-05-12 | ARGIA
Paroten baldintzapeko askatasun eskaera aztertuko dute maiatzaren 13an

Elkarretaratzea eginen dute egun berean arratsaldeko zazpietan Baionako herriko etxearen aitzinean. Jakes Esnalena berriz maiatzaren 19an aztertuko dute. 32 urte daramatzate preso.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude