Gasteizko kirol jardueretako langileek bertan behera utzi dute greba
Akordiorik gabe utzi dute irailaren 1ean abiatutako greba mugagabea. Udaletxean “horma” bat aurkitu dutela salatu eta borroka ez dela amaitu iragarri dute. Artiumeko langileek ostiralean iragarri zuten aurreakordio baten ondorioz greba utziko zutela, baina astelehenean adierazi dute akordioa ez dela gauzatu eta greba amaitzeko baldintzarik ez dagoela.
Ostiralean asanbladan erabaki zuten langileek greba amaitzea, CCOO, LAB eta ELA sindikatuek jakinarazi dutenez. Akordiorik gabe lanera bueltatzeagatik, egindako bidearen balorazio positiboa egin dute sindikatuek, bai jarraipenagatik –%90era heldu dena–, bai lan arloko azpisektoreak “batu eta antolatzea” lortu delako.
Sindikatuak gogor mintzatu dira Gasteizko Udalaren eta alkatearen aurka. Gorka Urtaranek paper “penagarria” bete duela salatu dute: "Hartutako konpromisoak ez ditu bete, erakunde erabat iragazgaitza bihurtu da, eta, gainera, mespretxuz tratatu gaitu adierazpen guztiz klasistekin". Aurrean “horma” bat izan dutela azaldu dute, eta "haren kontrako kolpe gehiagorik ez ematea" erabaki dutela. Enpresak ere kritikatu dituzte: “Zerbitzu publiko horiekin geratzeko asmoz, prezioak botatzen baitituzte, eta horrek ez die aukerarik ematen langileentzako gutxieneko baldintza duinak negoziatzeko”.
Eskaintza "pobreagoa"
Lan baldintzen eta kirol eskaintza munizipalaren inguruko hainbat eskakizun borrokatu dituzte asteotan kirol arloko langileek, eta akordiorik gabe amaitu da greba. Horren ondorioz, “kirol instalazioak erabiltzen dituzten gasteiztarrek eskaintza pobreagoa” dutela ziurtatu dute langileen ordezkariek. Lortu dute, ordea, kaleratutako langilea berriz ere onartzeko konpromisoa enpresen aldetik.
Artium museoko grebaren amaiera ezbaian
Artium museoko arreta zerbitzuko langileek ostiralean iragarri zuten abiatutako greba bertan behera uzten zutela. Aldundiko Kulturako diputatu eta Artium Museo Zentroko lehendakariorde Ana del Valekin aurreakordio bat lortu ostean. Bisitarien arreta zerbitzua esleitzeko baldintza agiri berria egiteko langileen iritzia kontuan hartzeko konpromisoa hartzen zuen zuzendaritzak, eta langileek greba mugagabea bertan behera uztekoa. Prentsaurrekoan bertan ohartarazi zuten aurreakordioa gauzatu ezean grebara bueltatuko zirela.
Astelehenean, langileek Twitter bidez eman dute egoeraren berri: “Azpimarratu nahi dugu oraindik Aldundiak eta Museoak ez dutela greba amaierako akordioa sinatu”. Zuzendaritzarekin biltzeko prestutasuna agertu dute langileek, “baina oraindik greba deialdia bertan behera uzteko baldintzak ez dira betetzen”, adierazi dute.
Itxaroten jarraitzen dugu. Guk @ArtiumVitoria-ekin biltzeko prest gaude edozein momentutan.
— Artium Borrokan - Artium en Lucha (@ArtiumBorrokan) September 14, 2020
Baina oraindik greba deialdia bertan behera uzteko baldintzak ez dira betetzen.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]