Gasteizko hilketa matxista gaitzetsi dute mila lagun baino gehiagok
Mugimendu Feministak biktimak izandako babesgabetasun egoera salatu du. Iruñean, Donostian eta Bilbon astearte arratsaldean deitu ditu mobilizazioak Emakumeen Mundu Martxak.
Milatik gora pertsona elkartu dira Gasteizen larunbateko hilketa matxista salatzeko, Mugimendu Feministak Andra Mari Zuriaren plazan deitutako elkarretaratzean. Larunbat goizean aurkitu zuten Maialen Mazon 32 urteko emakumearen gorpua Gasteizko apartamentu hotel batean, 3 urteko alaba ondoan zuela. Orduak egin zituen alabak gelan, Ertzaintza iritsi arte.
Arratsalde horretan atxilotu zuten bere bikotekide ohia, hilketarekin lotuta, Zaragozan. 32 urteko gizona taxi batean zihoan Gasteiztik ihesean, Valentziara bidean. Astearte goizean Gasteizko guardiako epaitegira eraman dute, Eusko Jaurlaritzako Segurtasun Sailak jakinarazi duenez.
Mugimendu Feministak adierazi du "jendarte osoaren ardura" izan behar dela "indarkeria matxista ahalbidetzen duten jarrera konplize guztiak baztertzea eta erasotzaileei aurre egitea". Indarkeria matxista kasuetan, prozesu osorako "kalitatezko babesa eta baliabideak" martxan jartzeko beharra adierazi dute, eta Mazonek jasandako "babesgabetasun egoera" salatu dute.
Urruntze agindua urratuta
Javi Roca emakumearen bikotekide ohiak urruntze agindua zuen ezarrita, eta Ertzaintzak horren berri zuen urtarriletik. Josu Erkoreka Eusko Jaurlaritzako lehenengo lehendakariorde eta Segurtasun sailburuak agerraldia egin du astelehenean kasuaren inguruko adierazpenak egiteko. Urtarrilean Gasteizko hotel batean hartu zuen ostatu bikoteak, izen faltsu batekin. Horretaz jabetuta, hoteleko arduradunek Ertzaintza jakinaren gainean jarri zuten, eta orduan jakin zuen Poliziak gizonak urruntze agindua zuela.
Erkorekak adierazi duenez, Ertzaintza emakumearekin harremanetan jarri zen, eta hark urruntze agindua bertan behera uzteko eskatu zuen, "ez zelako arriskuan sentitzen" eta gizonarekin harremana mantendu nahi zuelako. Ertzaintzak atestatua egin zuen eta zegokion epaitegia kasuaren jakinaren gainean jarri zuen, sailburuaren arabera. Gizona zergatik ez zuten atxilotu galdetuta, Erkorekak adierazi du ez dakiela. Bikotea ez zenez Gasteizen bizi, ez zuen kasuaren jarraipenik egin Ertzaintzak.
Maiatzaren 18an Borrianako (Valentzia) Guardia Zibilak jakinarazi zion Ertzaintzari Maialen Euskal Autonomia Erkidegora bizitzera etortzekoa zela, eta orduan jarri zen berriz harremanetan emakumearekin. Sailburuak adierazi du orduan ere urtarrileko eskaera bera egin zuela, hau da, urruntze agindua bertan behera uzteko, arriskuan sentitzen ez zela-eta. "Ez da erraza arriskuan sentitzen ez den biktima bat babestea". Gasteizko apartamentu hotel batean hartu zuen ostatu emakumeak, kasu honetan ere izen faltsuarekin, Erkorekak baieztatu duenez.
Sailburuaren adierazpenen harira, Gasteizko irakurketan mugimendu feministak adierazi du ez duela onartuko "biktimizazioa erreproduzitzen duten irakurketa misoginorik". Erkorekari mezua helarazi dio: "Zeuen burua zuritzen denbora eman baino, protokoloak errebisatu, identifikatu zerk egin duen huts, neurri eraginkorrak martxan jarri eta instituzioetatik alde batera utzi ezin duzuen erantzukizuna zeuen gain hartu: erreparazioa eta berriz ez gertatzeko bermea".
Asteartean mobilizazio gehiago
Emakumeen Mundu Martxak astearte arratsaldeko mobilizazioetan salatuko du larunbateko hilketa Hego Euskal Herriko gainontzeko hiriburuetan. Donostian, 19:00etan Boulebarrean, Bilbon ordu berean Arriagan eta Iruñean 20:00etan Udaletxe Plazan.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana