Garun-paralisia duen Noelia Da Costa ikasleak irabazi du: EHUk dio araudia aldatuko duela
Eusko Legebiltzarreko Hezkuntza batzordean izan da Noelia Da Costa EHUko ikaslea, bere kasua kontatzen: garun-paralisia du eta laguntzailea behar du, Arartekoak ere arrazoia eman dio, baina ikasturte osoa egingo du laguntzailerik gabe. Hori bai, EAJko parlamentariak batzordean iragarri du EHUko errektoretzatik esan diotela hurrengo ikasturterako araudia aldatuko dutela, behar dutenek laguntzailea izan dezaten. “Niretzat jada berandu da, ez dut laguntza hori jaso, baina atzetik datorren jendearentzat iritsiko bada, pozten naiz”, adierazi du Da Costak.
aurre egingo dieten hedabide independenteak
Graduondokoa amaitzen ari da Noelia Da Costa. Amaren laguntzarik gabe, ezingo zukeen egin, komunera joateko eta oinarrizko ekintza ugaritarako laguntza behar baitu, baina EHUk ukatu egin dio laguntza, egiten ari den graduondoko masterra ofiziala ez dela argudiatuta. Arartekoak arrazoia eman dio Da Costari, baina berdin jarraitzen duela kontatu digu berriki ikasleak. Hori guztia kontatu du Legebiltzarrean.
“Oso nekatuta nago inklusioari buruzko diskurtso tipikoekin, 'inor ez dadila atzean geratu, denontzako aukera berdintasuna behar dugu, gazteak formatzea inportantea da', gero benetan gizartearen aurrean polita geratzen den hitza baino ez delako inklusioa”, salatu du. “Laguntza zerbitzu hau familiak bete behar izatea zilegi da? Non dago desgaitasunen bat dugunon eskubide eta aukera berdintasuna? Gure bizitza borroka etengabea da etapa guztietan, ez al da nahikoa? Duin eta independente bizi nahi dugu”.
Alderdi guztien babesa eta EAJren ezusteko iragarpena
Noelia Da Costak hitz egin ostean, banan-banan mintzatu dira Legebiltzarreko alderdietako ordezkariak. Denek adierazi diote babesa gasteiztarrari. “Egoera hau lehenbailehen zuzentzea eta unibertsitateak neurriak hartzea espero dugu”, esan dute PP-Ciudadanosetik; “gure babes osoa duzu, ez zinatekeen egoera honetaraino iritsi behar”, Elkarrekin Podemosek; “egoera hau konpontzea nahi dugu”, PSEtik; “zurea bezalako kasuek erakusten dute zenbat gabezia dagoen oraindik, konpromisoa hartzen dugu jarraipena egiteko, ea Arartekoaren gomendioa betetzen den ala ez”, EH Bilduk.
EAJ izan da hitza hartzen azken alderdia eta azaldu du hainbat email gurutzatu dituela EHUko errektoretzarekin: “Esan digute laguntzak emateko EHUk jarraitzen duen araudiak diskriminatu egiten dituela ofizialak ez diren ikasketak, eta EHUko errektoretzak berak esan digu hurrengo ikasturteko aurre-matrikula betetzeko epearen aurretik araudia aldatuko dutela, ikasketa ez ofizial horietan arituko direnek ere laguntza jasotzeko oztoporik izan ez dezaten. Beharbada berandu dator, baina berri ona dela uste dugu eta pozez ematen dut honen berri batzorde honetan”.
"Ikasturte oso-oso gogorra izaten ari da, irribarrea ikusten badigute ere oinazea barrutik daramagu; gure ondoren etorriko direnek ez dezatela hau sufritu behar izan"
Araudian aldaketa baldin badator, notizi ona dela erantzun du Da Costak, “baina iristen den arte, ez dut sinetsiko”. Beretzat berandu da jada, laguntzailerik gabe amaituko du ikasturte hau, “baina atzetik datorren jendearentzat iritsiko bada, pozten naiz”, gaineratu du. Gasteiztarrak ama du laguntzaile, eta hark ere hitz egin du Hezkuntza batzordean: desgaitasunen bat duten pertsonen familiak “oso saturatuta” daudela eta “asko sufritzen” dutela nabarmendu nahi izan du Sonia Reviriegok. Amaren hitzekin biziki hunkitu da Noelia Da Costa, eta garbi utzi du batzordearen bukaeran: “Ikasturte oso-oso gogorra izaten ari da, irribarrea ikusten badigute ere oinazea barrutik daramagu; gure ondoren etorriko direnek ez dezatela hau sufritu behar izan”.
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
EHUk eginiko ikerketaren arabera, Araba, Bizkaia eta Gipuzkoako etxeko langileen %43,10ak ez du inoiz lan kontraturik izan, baina enplegatzaileen %70ak uste du "baldintza ezin hobeak" ematen dizkietela beren etxeko langileei. Etxeko langileen %27,4 egoera... [+]
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
EHUk, aldiz, azaldu du ezinezkoa dela hitz emandako 40 plaza berriak eskaintzea, ez baitute horretarako baliabiderik. Plaza berrien kopurua pixkanaka areagotzeko asmoa erakutsi du EHUk.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Martxoaren lehenengo lanegunarekin batera, komunikabideetan azalduko ez diren aldaketak etorri dira EHUn. Azken Lan Publikoko Eskaintzaren ondorioz, ehunka langile –arlo tekniko eta administrazio zerbitzutakoak– orain arte okupatzen zuten lanpostutik atera eta beste... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]