Garoña ireki ahal izateko dekretua onartuko du Espainiako Gobernuak
Espainiako Gobernuak hilaren amaieran edo otsailaren hasieran onartuko du Garoñako zentral nuklearra berriro irekitzea ahalbidetuko duen dekretua, Alberto Nadal Estatuko Energia idazkariak azaldu duenez. Martxan jartzeko erabakia Nuclenorren esku dago.
Nuclenorrek –Endesak eta Iberdolak osatzen duten enpresak– oraindik ez du argitu dekretua onartuta ere zentrala berriro martxan jarriko duen ala ez.
Iazko uztailaren 7an itxi zuen ofizialki Garoñako zentrala Espainiako Gobernuak, "instalazio nuklear eta erradiaktiboen araudiari jarraituz", Jose Manuel Soria Industria, Energia eta Turismo ministroak adierazi zuenez.
Jada orduan Nuclenor enpresak argi laga zuen etenaldia behin-behinekoa izan zitekeela, zentralaren jarduera gelditzeko arrazoiak "ekonomikoak" direlako. Alberto Cesar Gonzalez enpresa-batzordeko presidenteak esan zuen espero zuela Espainiako Gobernua eta Nuclenor adostasun batera iristea, Garoñak aktibo jarrai dezan.
Zentzu horretan, Joxerra Aizpurua zientzia gaietan adituak ARGIAko blogean zioen Gobernuak kaleratutako dekretuan bazegoela aldaketa garrantzitsu bat beste itxiera ofizialekin alderatuz: “Arazo ekonomikoengatik ixten dela, alegia”. Esaldi horrek ateak irekita utzi zion zentrala berrirekitzeari, beti ere “arazo ekonomikoak” gainditzen badira.
Eguzki kolektiboak maiz salatu du Gobernuak ateak irekiak zituela araudia ministroen eta lobby elektrikoen nahietara aldatzeko, aurre-eraispen agindurik ez baitu eman oraindik. Gobernuak agindu hori eman dezan eskatu du, zentrala behin-betiko itxi ahal izateko lehendabiziko urrats moduan. Zentrala berriro irekitzeak inguruko milioi bat lagunen segurtasuna "arriskuan" jarriko lukeela ohartarazi du Eguzkik.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]
Zentral nuklearraren eraispen lanen planifikazioan "gabeziak" daudela egiaztatu du CSNk, eta ohartarazi du egoera horregatik Nuclenorrek erradiazio arriskuen berrebaluazioak egin behar izan dituela. Jasotako erradiazio dosi kolektiboak zehazteaz gain, dosi indibidualak... [+]
Kutsadura horren jatorria duela 33 urtera arte kontrolik gabe egondako aireztapen batean egon zitekeela uste du CSNk.
Garoñako zentralaren hondakin erradioaktiboen biltegia egiteko lau milioi euroko inbertsioa egiteko asmoa du Espainiako Gobernuak.
Apirila eta maiatza artean bukatuko dute Garoñako aktibitate txikiko eta ertaineko hondakinen lekualdaketa, Enresak adierazi duenez.
Iazko uztailean iragarri zuen Espainiako Gobernuak Garoña betiko itxiko zuela. Sei hilabete geroago ez dute aurrerapenik egin desegite prozesuan eta martxa honetan bide “luzea, neketsua eta garestia” izan daitekeela aurreikusten dute adituek. Bataz... [+]
Garoñako zentral nuklearra ixtea erabaki eta gero, haren eraisketa prozesu luzea –hamabost urte inguru iraun dezake– hasi behar da orain. Zentralaren jabe den Nuclenorrek du ardura lehen fasean, eta Espainiako Estatuari dagokio gainerakoa. Prozesua... [+]
Gasteiztik 40 kilometrora dagoen Garoñako zentral zaharkituak, 42 urteren ondoren ez du energia nuklear gehiago sortuko, Espainiako Gobernuak ixteko erabakia hartu baitu.