Garoña behin betiko ixteko eskatu du Espainiako Parlamentuak
Espainiako Diputatuen Kongresuko Energia Batzordeak Garoñako zentral nuklearra itxi eta eraisten hasteko plan bat abia dadila eskatu du otsailaren 22an egindako saioan. Horrez gain, zentrala dagoen eskualdea ekonomikoki berpizteko neurriak galdatu dituzte. Talde guztiek bozkatu dute alde, PPk izan ezik.
Onartutako testuaren arabera, Kongresuak Espainiako Gobernuari eskatuko dio ez dezala baimendu Garoña –2012ko abendutik geldirik dagoena– berriro martxan jartzea. Segurtasun Nuklearrerako Kontseiluak zentrala ostera lanean hasteko onespena eman eta gutxira etorri da Energia Batzordearen erabaki hau.
PSOEk eta Unidos Podemosek aurkeztutako ez legezko proposamen bana bilduz ondu dute azkenik onartu den testua, eta alde bozkatu, bi horiez gain, Ciudadanosek, EAJk, ERCk eta EH Bildu barne duen talde mistoak.
PSOEko ordezkariak adierazi du Garoñako ingurua gainbehera ekonomiko nabarmenean dela, “populazioaren erdia galduta”. Horregatik, zentrala itxi eta eraisteko planarekin batera eskualdea berrindustrializatzeko neurrien alde agertu dira parlamentario gehienak.
Podemoseko legebiltzarkide Juan Lopez de Uraldek azpimarratu egin du Garoñaz hitz egitea Espainiako Estatuko parke nuklear osoaren geroaz hitz egitea dela. Garoña berriro lanean hasteko CSNk emandako oniritziak bermea eman die gainontzeko zentral guztiei ere, hasiera batean aurreikusita zuten 40 urteko bizitza gainditu dezaten.
Itxuraz, berme hori lortzea izan da Garoñako jabeen –Iberdrola eta Endesa– asmo bakarra, dagoeneko aditzera eman baitute ez dutela asmorik Burgosko zentral txikiak berriz funtzionatzeko beharko lituzkeen hobekuntzak egiteko.
“Garoñarekin mozteko” elkarretaratzeak
Garoña behin betiko ixteko eskatuz, Endesa eta Iberdrolaren aurkako elkarretaratzeak egingo dira ostegunean, otsailak 23, Bizkaiko hainbat hiritan eta Gasteizen. Deitzaileen esanetan “enpresa horiek diruaren hizkuntza besterik ez dute ezagutzen, "beraz beren hizkuntzan esango diegu energia berriztagarriak soilik eskaintzen dituzten enpresetara joko dugula aurrerantzean".
Elkarretaratzeak honako lekuetan egingo dituzte:
- Algorta: Basagoiti Etorbidea, 64. 12:00-13:00 / 18:00-19:00
- Barakaldo: Elkano Kalea, 9. 12:00-13:00 / 18:00-19:00
- Basauri: Miradoreak, Iberdrolaren bulegoaren aurrean. 12:00-13:00 / 18:00-19:00
- Bilbo: Urkixo zumarkalea, 33. 12:00-13:00 / 18:00-19:00
- Durango: Andra Mari kalea, 1. 12:00-13:00
- Gasteiz: gizakatea, 19:00etan Aldundiaren aurrean.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]
Zentral nuklearraren eraispen lanen planifikazioan "gabeziak" daudela egiaztatu du CSNk, eta ohartarazi du egoera horregatik Nuclenorrek erradiazio arriskuen berrebaluazioak egin behar izan dituela. Jasotako erradiazio dosi kolektiboak zehazteaz gain, dosi indibidualak... [+]
Kutsadura horren jatorria duela 33 urtera arte kontrolik gabe egondako aireztapen batean egon zitekeela uste du CSNk.
Garoñako zentralaren hondakin erradioaktiboen biltegia egiteko lau milioi euroko inbertsioa egiteko asmoa du Espainiako Gobernuak.
Apirila eta maiatza artean bukatuko dute Garoñako aktibitate txikiko eta ertaineko hondakinen lekualdaketa, Enresak adierazi duenez.
Iazko uztailean iragarri zuen Espainiako Gobernuak Garoña betiko itxiko zuela. Sei hilabete geroago ez dute aurrerapenik egin desegite prozesuan eta martxa honetan bide “luzea, neketsua eta garestia” izan daitekeela aurreikusten dute adituek. Bataz... [+]
Garoñako zentral nuklearra ixtea erabaki eta gero, haren eraisketa prozesu luzea –hamabost urte inguru iraun dezake– hasi behar da orain. Zentralaren jabe den Nuclenorrek du ardura lehen fasean, eta Espainiako Estatuari dagokio gainerakoa. Prozesua... [+]
Gasteiztik 40 kilometrora dagoen Garoñako zentral zaharkituak, 42 urteren ondoren ez du energia nuklear gehiago sortuko, Espainiako Gobernuak ixteko erabakia hartu baitu.