Garbiketa greba mugagabea deitu dute Gasteizen abenduaren 2tik aurrera
Langileek salatu dute FCCk ez dituela atzerapenak ordaindu, eta adostutako aurretiko erretiroak ere ez dituela eman.
Irailean lortutako akordioa hautsi du FCC-GSM enpresak. Hala diote Gasteizko garbiketako langileek, eta horregatik hain zuzen erabaki dute abenduaren 2tik aurrera greba mugagabea egitea. Hirugarren aldia da halako greba bat deitzen dutela langileek, baina aurreko kasuetan azken orduan erdietsitako akordioei esker bideratu da lan gatazka.
Kasu honetan bi arrazoi nagusi jarri dituzte langileek mahai-gainean. Batetik, enpresak ez dituela ordaindu zor dizkien atzerapenak, eta bestetik adostutako aurretiko erretiroak ez dituela eman.
Goizean bildu da langileen batzarra, eta %79k greba mugagabea egitearen alde bozkatu du.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.