Galegoaren aldeko manifestarien kontra egin du Guardia Zibilak Pontevedrako O Grove herrian

  • Agenteek Galiziako Hizkuntza Normalizaziorako Mahaiko kideak bultzaka hartu dituzte A Toxan toponimia ofizialaren aldeko elkarretaratze bat egiten ari zirela, Felipe V.a espainiar erregearen bisita bat probestuz.


2021eko irailaren 30an - 13:48
Azken eguneraketa: 15:59
Guardia Zibilak hizkuntza normalizaziorako ekintzaileak errepidetik kanporatzen A Toxako zubian, O Groven. (irudia: A Mesa Normalización Lingüística)

Galiziera hizkuntzaren aldeko ekintzaileek badute beste historia bat kontatzeko, zoritzarrez, euren liburu beltzean. O Groven gertatu da asteazken honetan. Pontevedrako herri horretako A Toxa irla ezagunean –bainuetxeak, eliteentzako aisialdi guneak eta bilkurak egiteko azpiegiturak dauden tokian– Foro La Toja egiten ari ziren goi mailako agintari politiko eta ekonomikoak, tartean Felipe Borboi espainiar erregea, “balore atlantikoen” inguruan hitz egiteko.

Galiziako Hizkuntza Normalizaziorako Mahaiak deituta elkarretaratzea egin dute irla eta herria elkartzen dituen zubi luzean, toponimia ofiziala errespetatu dadila eskatu eta A Toxa izenaren alde. Elkarretaratzean A Toxa polo seu nome edo Eu quero galego leloak zeramatzaten pankartak zabaldu dituzte.

Guardia Zibilak indarka hartu ditu hizkuntza gutxituaren aldeko ekintzaileak, zubia gurutzatzea eragotziz. Manifestariak espaloira bultzaka bidali dituenean hainbat lagun lurrera bota ditu, tartean Marcos Maceira Mahaiko presidentea.

Mahai horretako bozeramaileek, erasoa salatzeaz gain, hizkuntza normalizazioaren alde hitz egin dute: “Lotsagarria da bi toponimoen ofizialtasuna aitortzen duen legedia onartu eta 35 urtera oraindik mobilizatu behar izatea”, adierazi dute, Nós Diariok jaso duenez.  Hala, Espainiako Gobernuari exijitu diote betearazi dezala legea hizkuntzaren eremuan “eta eskatu diezaiola Foro horri toponimo legitimo eta legala erabiltzea, A Toxa izena duelako”, azaldu du Marcos Maceirak berak.


Kanal honetatik interesatuko zaizu: Hizkuntza eskubideak
Behatokiaren hizkuntza urraketei buruzko 2023ko txostena
Hizkuntza muga eta urraketa berak hamar urtez

Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.


2024-03-18 | Leire Artola Arin
ANALISIA
Nork egingo du euskara ofizial?

Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.


Ikasle euskaldunek Frantziako Legebiltzarrean euskaraz ikasteko eskubidea aldarrikatu dute

Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]


Iruñeko EHEren talde berria aurkezteko jaia egingo dute larunbatean

Taldea ezagutarazteko eta proiektua finantzatzeko antolatu dute egun osorako egitaraua.


Euskaldunen Harrotze Astea deitu du EHEk apirilaren 22tik 28ra

Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.


Eguneraketa berriak daude