Galder Barbado amurrioarra aske geratu da epaiketaren zain
6.000 euro ordaindu ostean behin-behinean aske utzi dute Barbado. Asteartean baldintza berdinetan espetxetik irten zen Aitor Zelaia gasteiztarrarekin batera atxilotu zuten, otsailean.
Arratsaldeko lehen orduan Darocako (Zaragoza, Aragoi) espetxetik irten da Galder Barbado Bonilla gazte amurrioarra. Senideak eta lagunak zituen zain espetxe atarian. Iluntzean dira Amurriora ailegatzekoak.
Otsailean atxilotu zuen Ertzaintzak gazte amurrioarra. Operazio berean Aitor Zelaia gazte gasteiztarra ere eraman zuten. 2014-2015 urteetan gertatutako hainbat sabotaje ekintza egozten die Poliziak. Atxilotua izan aurretik, Barbadok hainbat alditan salatu du publikoki bere aurkako polizia jazarpena.
Espetxeratuta izan diren sei hilabeteetan dispertsatuta egon dira Barbados eta Zelaia. Lehenik Madrilgo Soto del Real espetxean eta ondoren gaur arte Zaragozako Daroca espetxean.
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]