Funts putre batek bost pertsona etxegabetu dituela salatu eta borrokarako deia egin dute San Frantzisko auzoan
AZET Bilboko Alde Zaharreko Etxebizitza Sindikatuak astelehenean jakinarazi zuen Global Pantelaria funts putreak bost pertsona etxegabetu dituela San Frantzisko auzoan. Asteartean agerraldia egin dute auzoan, eta erantzuleak seinalatzeaz gain, borrokara eta antolakuntzara deia luzatu diete auzokideei.
Funts putre batek Bilboko San Frantzisko auzoan bost pertsona etxegabetu zituela jakinarazi zuen astelehenean AZET Bilboko Alde Zaharreko Etxebizitza Sindikatuak. Ondorioz, etxebizitza Global Pantelariaren esku egotera pasa da, Cerberus higiezinen agentziaren eta Santander bankuaren jabetzako funts putrea.
AZETek deituta eta Karroñeroei gerra! lelopean, astearte arratsaldean agerraldia egin dute funts putreak bereganatutako etxebizitzaren aurrealdean. Hiria eta zehazki San Frantzisko auzoa jasaten ari den espekulazioa salatuz hasi dute irakurketa, non klase-arazoa arrazakeriarekin eta xenofobiarekin gurutzatu ohi den, patera pisuen fenomenoaren edota arrazakeria-instituzionalaren bidez bistaratzen den moduan. Gogorarazi dute duela aste batzuk funts putre berberak beste kaleratze bat burutu zuela ondoko blokean, eta aste honetan etxebizitza turistiko berri bat estreinatuko dutela gertuko beste eraikin batean. "Ahaztu gabe duela hilabete baino gutxiago kalean hil ziren etxerik gabeko bi pertsonak".
San Frantzisko auzo marjinala eta marjinatua izatetik kapital espekulatiboarentzat interesgune izatera pasa dela azpimarratu dute, erantzuleak seinalatuz: funts putreak eta bankuak batetik, eta turismoaren industria bestetik. Lehenek, kapital handiak bideratzen dituztelako auzora, "'klase-eroso' berri horientzako alokairuen prezioak handituz" irabaziak erraz metatzeko aukera ikusten baitute bertan. Eta bigarrenak, bultzatzen duelako geroz eta etxejabe gehiagok beren jabetza turismoaren industriara bideratzea, alokairuaren merkatuak baino irabazi handiagoak eskaintzen dituelako, komunitatearen eta auzo biziaren kaltetan.
Antolakuntzara deia
Alabaina, astearteko agerraldiaren bidez enegarren etxe kaleratzea salatu eta erantzuleak seinalatzeaz harago joan nahi izan dute etxebizitza sindikatuko kideek: antolatzeko eta borrokatzeko deia egin diote San Frantzisko auzoari.
"Karroñero guzti horiek poltsikoak inolako mugarik gabe betetzen jarraitzeko arazo bakarra, gu gara. Pobreak. Langile-klaseko auzokideak. Gure auzo eta etxeetatik alde egiteari uko egiten diogunak", adierazi dute. Hala bada, etxejabearen partetik abusuren bat jasaten ari diren pertsonei sindikatura hurbiltzeko deia egin diete. "Gure etxeetatik botatzen gaituzte, gure auzoetatik kanpo nahi gaituzte eta kalean hiltzen uzten gaituzte. Testuinguru horretan, borrokatzea ez da soilik betebehar moral bat. Antolatzea hil ala biziko beharrizan bat dugu".
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.