Salatu dute lau lagun etxegabetu dituztela Bilbon, pisua funts putre baten esku uzteko

  • AZET Etxebizitza Sindikatuak ohartarazi du Bilboko San Frantzisko auzoa “marjinatua” izatetik espekulaziorako eta turismo industriarentzako “interesgune” izatera igaro dela. Auzoko lau bizilagunen etxegabetzea salatzeko eta informazioa emateko prentsaurrekoa egingo dute asteartean.


2022ko maiatzaren 30an - 17:23
San Frantzisko auzoa, artxiboko irudi batean.

“Global Pantelaria” funts putrearen jabetza izatera pasatu da Bilboko San Frantzisko auzoko etxebizitza bat, eta, ondorioz, gutxienez lau pertsona etxerik gabe utzi dituzte maiatzaren 30ean, AZET Etxebizitza Sindikatuak salatu duenez. Horren aurrean, auzokideei antolatzeko deia luzatu die sindikatuak, zera ohartaraztearekin batera: “San Frantzisko auzo marjinal (eta marjinatua) izatetik kapital espekulatiboarentzat eta turismoaren industriarentzat interesgune izatera igaro da”.

Prentsaurrekoa egingo dute maiatzaren 31n, 19:30ean, San Frantzisko kaleko 45. zenbakian. Etxegabetzea salatu eta informazioa emango dute han.


Kanal honetatik interesatuko zaizu: Etxegabetzeak
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Bilboko etxegabetzearen aurka protestan ari direnen kontra oldartu da Ertzaintza

Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.


Eguneraketa berriak daude