Mendetik gora duen Frantziako Tourrak Covid19 gaitzari aurre egin nahi dio. Udako jaialdiak bata bestearen atzetik bertan behera geratzen ari diren honetan, hala nola Eurokopa edo Olinpiar Jokoak, txirrindularitza lasterketako zuzendari Christian Prudhommek apirilaren 15ean data berriak iragarri ditu.

107. edizioa abuztuaren 29tik irailaren 20ra izango da, eta ez ekainaren 27tik uztailaren 19ra, hasiera batean aurreikusita zegoen bezala. Tropela Nizatik abiatuko da, eta aurrez iragarri zuten ibilbidea egingo du, Le Mondek informatu duenez.

"Hastapenean abuztu hasierara atzeratzea pentsatu genuen, ez genuen ezer pentsatua uztailerako, baina Xavier Bigard (Nazioarteko Txirrindularien Elkarteko mediku ezaguna) irakaslearen hitzartzea entzun ostean, geure buruari esan genion: joan gaitezen ahalik eta urrunen".

Atzerapen hau ezinbestekoa zen, Frantziako presidente Emmanuel Macronek apirilaren 13an esan baitzuen "gertakari jendetsuak guztiz debekatuta" zeudela gutxienez uztail erdira arte.